Փաստ ինֆո

Ջեյմս Բարնսի մարմինը գտել են նրա ծնողների տանը կեսգիշերին մոտ, իսկ 40 րոպե անց ամուսնական զույգի Բիրմինհեմի տանը՝ նրա կնոջ՝ Էմիի մարմինը: Այս մասին հաղորդում է Daily Mail-ը:

Ոստիկանությունը ենթադրում է, որ կինը սպանվել է ամուսնու կողմից, ով դրանից հետո ինքնասպան է եղել: Զույգը բնակվում էր 190 000 ֆունտ ստերլինգ արժողության մասնավոր լավ տանը, և հարևանները նրանց օրինավոր հարևաններ են համարում:

«Բացարձակապես նորմալ, սիրալիր ընտանիք է»,- պատմում էին նրանք:

Քննությունը հրապարակել է հետաքրքրական փաստ. ողբերգությունից երեք ժամ առաջ Բարնսը թարմացրել է իր պրոֆիլը Ֆեյսբուքում և այնտեղ տեղադրել իր ու Էմիի հարսանեկան լուսանկարը: Ե՛վ ընկերները, և՛ հարազատները իսկական շոկի մեջ են, չէ՞ որ Բարնս ընտանիքը միայն վերջերս է սկսել համատեղ կյանքը: «Ես չէի կարող հավատալ, որ իրենց մոտ այդքան լուրջ խնդիրներ են եղել, քանի որ արտաքնապես նրանք իդեալական զույգի տպավորություն էին թողնում»,-ասում է նրանց մտերիմ ընկերներից մեկը:

Սպանության ու ենթադրյալ ինքնասպանության փաստով քրեական գործ է հարուցվել: Ողբերգության իսկական պատճառները դեռևս հայտնի չեն: Քննությունը առայժմ տեղեկատվություն է հրապարակել սպանվածների մասին. Էմին աշխատում էր Բիրմինհեմի հիվանդանոցի նորածինների բաժանմունքում մի քանի տարի, իսկ Ջեյմսը գրաֆիկական դիզայնի մասնագիտությամբ աստիճան է ստացել Սաթթոն Քոլդֆիլդ քոլեջում և համակարգչային խաղերի մոդելավորման մասնագիտությամբ՝ Դերբիի համալսարանում:

Աղբյուր` Փաստինֆո