Փաստ ինֆո

22-ամյա Ռեյնիր Շոյմանը Սուրրեյից դպրոց էր եկել իր զուգընկերուհու 9-ամյա դստեր հետևից: Հերթապահ ուսուցիչ Գարեթ Մաքքարտիից տղամարդն իմացել էր, որ իրավունք չունի մեքենան կայանել ուսումնական հաստատության տարածքում: Սակայն երեխային պարսպի մոտ սպասելու փոխարեն նա խփել-գցել է ուսուցչին և այնուամենայնիվ ծառայողական կայանատեղի է ընթացել:

Դատարանում Ռեյնիրը հայտարարել է, որ չէր պատրաստվում վնասել պրն. Մաքքարտիին: Սակայն նա ոչ լրիվ է ընդունել իր մեղքը և հաղորդել, որ տուժողն է իրենց սադրել վճռական գործողությունների: Այն փաստը, որ անիվների տակ կարող էին ընկնել կողքին գտնվող դպրոցականները, տղամարդուն չէր անհանգստացրել: Ավելի ուշ նա դատարանին պարզաբանել է, որ համոզված էր, որ դպրոցական կայանատեղիում կայանելու իրավունք ունի:

Գարեթ Մաքքարտին Ռեյնիր Շոյմանին նկարագրել է որպես «էգոիստ, դաժան խուլիգանի»: Հետաքրքիր է, որ նույն դիրքորոշումն էր պաշտպանում նաև մեղադրյալի փաստաբանը, ով նրան բնութագրել է որպես գոռոզ և բանտ ուղարկվելու գլխավոր թեկնածու: Mirror-ի հաղորդմամբ, ինքը Ռեյնիրն ամբողջ ուժով ճգնում է արդարացնել իր վարքագիծը և հայտարարում է, որ չէր պատրաստվում վնասել ուսուցչին:

«Դա իրավիճակին ոչ համաչափ և ոչ հասուն արձագանքն էր: Ռեյնիր Շոյմանը պետք է ընդունի, որ նա կրում է դրա ողջ պատասխանատվությունը: Դեռևս նա դա չի արել»,- գտնում է փաստաբան Ռուպերտ Հելլոուեսը:

Դատավճռի կայացումից առաջ դատավոր Դեվիսը հայտնել է, որ բացարձակապես ցնցված էր մեղադրյալի գործողություններից: Նա համարել է, որ միակ արժանի պատիժը Ռեյնիր Շոյմանի համար բանտարկությունն է: Արդյունքում դատարանը դատապարտել է ոչ ադեկվատ խորթ հորը 10 ամսվա ազատազրկման:

Աղբյուր` Փաստինֆո