Փաստ ինֆո

14-ամյա Շարլոտտա Բարոնին մահացած են գտել իր տանը Ֆալինգում, Ռոչդեյլ: Հարբեցող մայրն ու դաժան հայրը աղջկան հասցրել են այն վիճակին, որ նա արդեն մի քանի անգամ փորձել էր ինքնասպանություն գործել և գտնվում էր սոցիալական ծառայություններում հաշվառման մեջ: Սակայն ծնողները համարում էին, որ այդ կերպ նա փորձում է ուշադրություն գրավել՝ մինչև որ Շարլոտտան չավարտեց մտածածը, հաղորդում է Daily Mail-ը:

Շարլոտտան պատմում էր հոգեբույժին, որ երազում է ապրել այնտեղ, որտեղ իր մասին հոգ կտանեն ու կսիրեն: Բայց դրա փոխարեն աղջիկը տեսնում էր միշտ հարբած մորը, ում հայրը ծեծում էր: Ոստիկանությունը նրանց մոտ է եկել շուրջ տասն անգամ կենցաղային բռնության դեպքերի պատճառով, Շարլոտտան այն ժամանակ ընդամենը յոթ տարեկան էր: Այդպիսի կանչերից մեկի ժամանակ մայրը՝ Վերոնիկա Քիլբրայդը, ամուսնու կողմից վնասվածք էր ստացել, ում դրա հետևանքով բանտ էին նստեցրել:

Մշտական սկանդալների պատճառով ընտանիքը հաճախ տեղափոխվում էր: Մինչև տասը տարեկանը Շարլոտտան 27 անգամ մի տնից մյուսն էր տեղափոխվել, կորցնելով իր բոլոր ընկերներին: Այդ պատճառով դպրոցում նա իրեն միայնակ էր զգում, իսկ տանը, որտեղ հաճախ չէր լինում ուտելիք, էլեկտրականություն և ջեռուցում, սարսափելի էր: Սոցիալական ծառայությունները տեղյակ էին երեխայի բարդ վիճակի մասին, սակայն անտեսում էին նրան:

Շարլոտտայի հոգաբարձուն այն ժամանակ նոր էր սկսել աշխատել, այդ պատճառով երեխայի հանդեպ հսկողությունը բավարար չէր: Իսկ նրա մայրը հրաժարվում էր մասնակցել աղջկա վերականգնմանը՝ պարզապես բաց թողնելով հոգեբույժի հետ համատեղ հանդիպումները:

Աղբյուր` Փաստինֆո