Փաստ ինֆո

31-ամյա Աննեմարի Տերոնը Նամիբիայից իր 9-ամսական դուստր Լեյլայի մարմնի վրա հայտնաբերել է տաօրինակ հետքեր: Նա կասկածել է, որ դայակը վատ է վարվում երեխայի հետ և տեղադրել գաղտնի խցիկ: Այդ փորձարկման արդյունքը գերազանցել է մոր ամենասարսափելի սպասելիքները:

Աննեմարի Տերոնը պատմել է MailOnline-ին, որ չէր դադարում լացել՝ նայելով Լեյլայի նկատմամբ ծաղրուծանակի սարսափելի տեսագրությունը:

«Ես իմ աղջկան գիրկս վերցրեցի և սկսեցի պատմել նրան, որ ցավում եմ: Ես զգում էի, որ դա իմ՝ որպես մոր, լրիվ տապալումն է: Դա վատթարագույնն է, ինչ ես երբևէ զգացել եմ»,- ասում է մայրը:

Արժե նշել, որ սադիստ դայակին երիտասարդ մայրը վարձել էր ընկերների խորհրդով՝ կինը երկու տարվա ընթացքում «հոգ էր տանում» նրանց երեխաների մասին: Այժմ Աննեմարիի ընկերները և մեղք, և սարսափ են զգում, հայտնի չէ, թե դայակն ինչ է արել իրենց երեխաների հետ:

Հաջորդ օրը Աննեմարի Տերոնը դիմել է ոստիկանություն, դաժան դայակին կալանավորել են: Ինչպես պատմում է Լեյլայի մայրը, ամենից դժվարը դայակին ցույց չտալն էր, որ ինքը գիտի կատարվածի մասին, հակառակ դեպքում, կինը կարող էր փախչել և աշխատանքի տեղավորվել այլ ընտանիքում:

«Ես ինձ դավաճանված եմ զգում: Այդ կինն ամեն օր նայում էր աչքերիս մեջ և այդպես էր վարվում իմ դստեր հետ: Ինձ համար դժվար կլինի նորից վստահել դայակին»,- ասում է Աննեմարի Տերոնը:

Աղբյուր` Փաստինֆո