Փաստ ինֆո

Էլիզաբեթ Սմարթը ընդամենը 14 տարեկան էր, երբ Բրայան Դեվիդ Միթչելլը Սոլթ-Լեյք-Սիթիում առևանգել էր նրան ննջասենյակից՝ մինչ նա քնած է եղել: Աղջիկն 9 ամիս անց է կացրել լքված –ճամբարում՝ իրեն բռնաբարողի ու նրա կնոջ հետ: 15 տարի անց Էլիզաբեթը խոստովանում է, որ տեղի ունեցածից հետո նա միշտ մտածում էր, որ լավագույն տարբերակը մահն է եղել, հաղորդում է The Daily Mail-ը:

«Ես մեծացել եմ պահպանողական քրիստոնեական ընտանիքում: Եվ երբ ինձ առաջին անգամ բռնաբարեցին, ես բացարձակապես կործանված էի: Ինձ թվում էր, որ ավելի լավ է մահանալ, քան զոհ լինել: Նա բռնաբարում էր ինձ ամեն օր մինչև չորս անգամ: Ինքնասպանությունն ինձ ազատում էր թվում»,- ասում է Էլիզաբեթը:

Հիմա Էլիզաբեթը 29 տարեկան է: Նա ամուսնացած է և դաստիարակում է երկու հրաշալի երեխաների: Միթչելլին դատապարտել են ցմահ ազատազրկման, նրա կինը նույնպես պատիժ է կրում: Սակայն ըստ տուժողի, երբ իրեն վերջապես փրկել են, նա սարսափելի խռովք էր ապրում, ոչ ոքի չէր հետաքրքրում, թե ինքն իրականում ինչ է զգում:

«Մեկ վայրկյան անց ես նորից ծնողներիս հետ եմ: Հաջորդիվ ինձ արդեն հարցաքննում են: Երրորդ, հիվանդանոցում եմ, որտեղ ինձ ասում են՝ դե, հանեք շորերը, օ, եկեք նրա վրա փորձենք սարքավորումը: Ոչ ոք չէր խոսում ինձ հետ: Նրանք պարզապես աշխատում էին, իսկ ես մտածում էի՝ ի՞նչ է կատարվում»,- ասում է տուժողը:

Էլիզաբեթին փրկել էին այն բանից հետո, երբ ուշադիր անցորդներից մեկն ի դեմս Միթչելլի ճանաչել էր հետախուզվող հանցագործին և նրա մասին հայտնել ոստիկանությանը: Տուժողն այն ժամանակ պատմում էր, որ աղաչում էր տղամարդուն խղճալ իրեն և սպանել, սակայն նա օրեցօր կենսագործում էր իր կեղտոտ ֆանտազիաները:

Աղբյուր` Փաստինֆո