Փաստ ինֆո

Մելբուրնի բնակիչը դատապարտվել է չորս տարվա բանտարկության այն բանից հետո, երբ նրան մեղավոր են ճանաչել իր սիրած աղջկա երկվորյակ քրոջ բռնաբարության համար: Ըստ մեղադրյալի, նա աղջիկներին ընդամենը շփոթել է: Բացի այդ, 23-ամյա տղամարդը պնդում է, որ տուժողը ստում է և իրականում արդեն վաղուց իր նկատմամբ ուշադրության նշաններ էր ցույց տալիս: Այս մասին հաղորդում է Daily Mail-ը:

Մինչդեռ զոհը պատմել է, որ քրոջ երիտասարդն ինքն է խոստովանել իր հետ սեքսուալ ֆանտազիաների մասին: Աղջիկը քնած էր պահեստային ննջասենյակում, երբ տղամարդն իր մոտ է եկել: Սկզբից նա ցանկանում էր խոսել, սակայն ավելի ուշ հանել է տուժողի հագուստը և բռնաբարել: Հարձակումից անմիջապես հետո տղամարդը զանգահարել է իր ընկերուհուն և հայտարարել, որ իր քույրը սեքսուալ հարձակում է գործել իր վրա: Նույնը նա հայտնել է ոստիկաններին՝ հավելելով, որ իրեն շփոթության մեջ է գցել քույրերի արտաքին նմանությունը:

Ընդ որում, տղամարդը զոհի հետ մոտ մեկ ժամ խոսել է նրա խնդիրների և հենց նրա մասին: Դրա համար դատարանը չափազանց տարօրինակ է համարել այն փաստը, որ հանցագործը կարողացել է շփոթել աղջիկներին: Տուժողը խոստավանել է, որ այժմ չի կարողանում շփվել քրոջ հետ և արդեն մի քանի անգամ փորձել է ինքնասպան լինել:

«Միակ բանն, որ ես ուզում եմ, որ տղամարդը զղջա ու խոստովանի, թե ինչ է արել ինձ հետ»,- ասում է զոհը:

Աղբյուր` Փաստինֆո