Փաստ ինֆո

Պլեյնո քաղաքի ոստիկանությունը պատմել է սեպտեմբերի 10-ին նախկին կնոջ տանը Սպենսեր Հայթի սարքած սարսափելի ջարդի մանրամասները: 32-ամյա հրաձիգի զոհ է դարձել ութ մարդ, ներառյալ նրա նախկին կին Մերեդիթը: Այս մասին հաղորդում է life.ru-ն:

27-ամյա Մերեդիթ Լեյնը դիմել էր Հայթի հետ ամուսնալուծվելու համար այս տարվա հուլիսին: Ամուսինները համատեղ ապրել են վեց տարի, բայց ամուսնալուծվելուց ոչ շատ առաջ Սպենսերը կորցրել է աշխատանքը, ինչից հետո սաստիկ փչացել էր տղամարդու բնավորությունը:

Ըստ աղջկա մայր Դեբբի Լեյնի, ամուսինը նրա վրա անգամ ձեռք էր բարձրացնում: Մերեդիթի ընկերները պատմել են ոստիկանությանը, որ ամուսնալուծությունից հետո էլ նախկին ամուսինները շարունակում էին վիճել:

«Մերեդիթը միշտ սիրում էր ուտելիք պատրաստել և իր տանը ընկերներին հավաքել: Նա դա արել էր ապահարզանից հետո առաջին անգամ, և Սպենսերին ակնհայտորեն դա դուր չէր եկել»,- ասել է Դեբբի Լեյնը:

Սեպտեմբերի 10-ին Մերեդիթը իր տանը ֆուտբոլային երեկույթ էր կազմակերպել: Հրավիրվածների թվում էին նաև նրա նախկինի ընկերները, որոնց հետո ամուսնալուծվելուց հետո աղջիկը շարունակում էր շփվել: Հավանաբար դա հատկապես դուր չէր եկել Հայթին: Երեկոյան 8-ին մոտ Սպենսերը ներխուժել է տոնական երեկույթին և սկսել անկանոն կրակոցներ արձակել հավաքվածների վրա: Տղամարդուն հաջողվել էր վնասվածքներ պատճառել 9 մարդու, որոնցից ութը մահացել էին, իսկ դեպքի վայր ժամանած ոստիկանները սպանել էին իրեն՝ Սպենսերին:

Ականատեսները պատմել են, որ կրակելուց առաջ Սպենսերը հերթական անգամ վիճել է Մերեդիթի հետ նրա տան առմուտքի մոտ: Բոլոր զոհերը 22-ից 33 տարեկան էին, և նրանց մահը բառացիորեն ցնցել է Պլեյնոն:

Ներկա պահին ոստիկանությունը քննում է գործը, փորձելով պարզել հատկապես ինչ պատճառներ էին դրդել Սպենսերին հանցագործություն կատարել: Մարդասպանին սպանած սպային վճարովի արձակուրդ է տրվել:

Աղբյուր` Փաստինֆո