Փաստ ինֆո

Կրասնոդարում ձերբակալվել է «օրենքով գող» Գեորգի Մանուկյանը՝ Ժորա Թբիլիսկի մականվամբ:

Քրեական առաջնորդը մասնակցում էր Կրասնոդարի բնակչից մեկ մլն ռուբլու շորթման մեջ: «Օրենքով գող»-ից բացի, ձերբակալվել են նաև նրա հանցավոր խմբավորման երեք անդամներ, որոնց մոտից առգրավել են հրազեն և 10-ից ավելի բջջային հեռախոսներ:

Ինքը՝ Գեորգի Մանուկյանը, հայտարարել է, որ իրեն մեղավոր չի ճանաչում: Կրասնոդարի Օկտյաբրսկի շրջանային դատարանը՝ հաշվի առնելով քննության դիրքորոշումն և այն, որ կասկածյալը «հանցավոր աշխարհում բարձրագույն դիրք է զբաղեցնում», նրա նկատմամբ որպես խափանման միջոց է ընտրել կալանավորումը:

Ժորա Թբիլիսսկին Կրասնոդարի երկրամասի տարածքում գտնվում է արդեն 20 տարուց ավելի: Նախկինում նա բնակվել է հենց Կրասնոդարում, սակայն հետո հաստատվել է Գելենջիկում:

Որպես «օրենքով գող» թագադրվել է դեռևս 1993թ. այնպիսի հեղինակավոր գողերի կողմից, ինչպիսիք են Ասլան Ուսոյանը (Դեդ Հասան), ինչպես նաև Վլադիմիր Վոլկովը (Վոլչոկ): Գողական կլանի ներսում հերթական կոնֆլիկտի ժամանակ Մանուկյանին փորձում էր թագազրկել Արմեն Հարությունյանը (Արմեն Կանևսկոյ, Պուխլի), նույնպես Դեդ Հասանի դրածոն:

Սակայն ազդեցիկ Ուսոյանի միջամտությունը հարցը լուծել էր հօգուտ Մանուկյանի, և նա իրեն էր պահել գողական կարգավիճակը:

Վերջին անգամ Ժորա Թբիլիսսկին կամ ինչպես նրան անվանում են նաև՝ Չինկան, ձերբակալվել է Նովոռոսսիյսկում 2010թ., նրա մոտ հերոին էր հայտնաբերվել: 2011թ. դատարանը նրան դատապարտել էր 3 տարվա ազատազրկման՝ ընդհանուր ռեժիմի գաղութում:

Ժորա Թբիլիսսկին նշանավոր Վլադիմիրսկի ցենտրալից ազատություն դուրս է եկել 2013թ., որից հետո նորից ժամանել էր Կրասնոդարի երկրամաս, որտեղ նրա բացակայության ընթացքում ոչ մեծ վերաբաժանում էր սկսվել:

Մեծ հակասությունների մեջ չմտնելով կազմակերպված հանցավոր խմբավորումների ներկայացուցիչների հետ, Ժորա Թբիլիսսկին շարունակել է իր գործը, և ընթացիկ տարվա սեպտեմբերի 8-ին նրան հաջողվել էր ձերբակալել շորթման համար:

Ընդ որում երեք հանցակիցները ձերբակալվել էին դեռևս գարնանը՝ տուժողի կողմից նրանց փող փոխանցելու պահին: Ինչպես ասել են օպերատիվ աշխատողները, 2017թ. ապրիլի սկզբին իրենք իմացել են, որ Կրասնոդարի երկրամասի բնակչին ֆիզիկական հաշվեհարդարով են սպառնում ու նրանից մեկ մլն ռուբլի պահանջում: Փողի փոխանցումը տեղի է ունեցել ուժայինների աչալուրջ հսկողության տակ: Երբ շորթողներին ձերբակալել են, նրանց մեջ չի եղել կազմակերպիչը՝ Ժորա Թբիլիսսկին: Այդ պատճառով «օրենքով գողի» նկատմամբ հայտարարվել էր օպերատիվ հետախուզում: Նա չէր մեկնել տարածաշրջանից, այդ պատճառով օպերատիվ միջոցառումների շնորհիվ նա ձերբակալվել էր Կրասնոդարում:

Ներկա դրությամբ ձերբակալվածին շորթման մեղադրանք է առաջադրված, կատարվում է նախաքննություն:

Աղբյուր` Փաստինֆո