Փաստ ինֆո

Ընկերների եւ հարազատների համար իդեալական թվացող ամերիկյան ընտանիքում ամուսինը 12 տարի շարունակ ենթարկվել է բռնության:

45-ամյա Նիլը տանը գաղտնի տեղադրել է տեսախցիկ` նկարահանելու համար, թե ինչպես է կինն իր նկատմամբ բռնություն գործադրում, երբ խմում է: The Sun-ը նշում է, որ տղամարդը դաժան վերաբերմունքն հանդուրժել է 12 տարի շարունակ` ամուսնական առաջին գիշերից սկսած, երբ կինը ծածկոցով փորձել է խեղդել նրան, ապա` պահանջել, որ քնի բազմոցին:

Նշվում է, որ անցած տարիների ընթացքում ամուսինը հույս է ունեցել, որ իր սիրեցյալը խելքի կգա: Չնայած վեճերին` նա միշտ վերադարձել է տուն եւ ոստիկանությունից թաքցրել ֆիզիկական բռնության հանգամանքը: Բայց երեխայի ծնվելուց հետո`նա այլեւս չի հանդուրժել:

Ամռանը նա իրենց տանը գաղտնի տեղադրել է տեսախցիկ: Կադրերում երեւում է, թե ինչպես երկու ամիս շարունակ կինը ճնշել ամուսնուն` բռնություն գործադրել, վիրավորել դստեր ներկայությամբ: Նիլը տեսագրությունը փոխանցել է ոստիկանությանը, քանի որ մտավախություն է ունեցել, որ իրեն չեն հավատա:Կնոջը մեղադրել են ծեծի եւ հարձակման մեջ, եւ դատական որոշմամբ արգելել մոտենալ ամուսնուն:

Հաղորդվում է, որ կինը շատ լավ մանկավարժ է, իսկ ամուսնու հետ ծանոթացել ե 16 տարի առաջ եւ արտաքին աշխարհին ներկայացել են որպես երջանիկ ամուսիններ: Փաստաբանը հայտարարել է, որ կնոջ վարքագծի պատճառը ալկոհոլն է, որը բացասաբար է անդրադարձել նոր հոգեվիճակի վրա :Նրան դատապարտել են մեկ տրվա պայմանական ազատազրկման:

Աղբյուր` Փաստինֆո