Փաստ ինֆո

Երբ Հնդկաստանի բնակիչ Մաստէքիմ Ահմադը իմացել է, որ իր մոտ կոկորդի քաղցկեղ է, նա գազազած սպանել է գործընկերոջը, ով իրեն ծխել է սովորեցրել:

Ոստիկանությունը ձերբակալել է 25-ամյա ենթադրյալ հանցագործին, երբ նա պարտքով փող էր խնդրում իր ազգականներից մեկից: Ըստ life.ru-ի, հաղորդում է Independent-ը:

Ընկերները Դելիում ռեստորանում (որը պատկանում էր ենթադրաբար մարդասպանի փեսային) որպես խոհարարներ էին աշխատում:

Ոստիկանությունում Ահմադը պատմել է, որ ոչ միայն սարսափելի ախտորոշումը, այլև Ինայաթ անունով գործընկերոջ տաղանդը նրան սպանության են մղել: Ըստ կասկածյալի, նա ատրճանակ է գնել և նախօրոք մարզվել է հրաձգությամբ, որպեսզի վերջ տա հակառակորդին:

Ահմադը և Ինայաթը աշխատավայրում ընկերներ էին, սակայն վերջինս ավելի լավ էր իր աշխատանքը կատարում և շուտով դարձել էր ռեստորանի տիրոջ նախընտրելին: Բացի այդ Ահմադը բժշկին էր դիմել կոկորդի ցավերի գանգատով, բժիշկն ասել էր, որ դա քաղցկեղ է, որն առաջացել է չափազանց շատ ծխելուց:

Ահմադը մեղադրում էր իր գործընկերոջն այն բանում, որ ինքը տառապում է օնկոլոգիական հիվանդությամբ և ապարդյուն փորձում էր հասնել նրա աշխատանքից ազատմանը: Արդյունքում Ահմադն ինքն էր ստիպված եղել ազատվել աշխատանքից, որից հետո վերադարձել էր հայրենի գյուղ, որտեղ գնել էր ատրճանակ և մի քանի պարկուճ:

Աղբյուր` Փաստինֆո