Փաստ ինֆո

Կլեր և Դեվիդ Բերկները Բրեդֆորդից, Մեծ Բրիտանիա, միասին են արդեն 16 տարի: Ամուսինները մի տանիքի տակ և ոչ մի օր միասին չեն անցկացրել և միասին քնել են միայն ամուսնական առաջին գիշերը: Այս մասին ըստ life.ru-ի, հաղորդում է The Sun-ը: Այդուհանդերձ զույգը մեկ որդի ունի, ամուսիններն իրենց ամուսնությունը շատ երջանիկ են համարում:

Որպես կանոն, Կլերն ու Դեվիդը երեկոները միասին են անցկացնում. զույգը միասին հեռուստացույց է նայում և գինի խմում: Հետո Դեվիդը հրաժեշտ է տալիս ու գնում իր տուն, որը գտնվում է Կլերի տնից վեց կմ հեռավորության վրա: Ամուսինները համոզված են, որ հյուրի այդպիսի անսովոր ձևաչափն իրենց հարաբերություններն անհավանական ամուր է դարձնում:

«Մեր ամուսնական առաջին գիշերը մենք ամբողջ գիշերը միասին անցկացրեցինք, և դա ահավոր էր: Դա տարվա ամենաշոգ օրերից մեկն էր, մենք ահավոր հոգնած էինք երկարուձիգ օրվանից հետո և պարզապես քնեցինք»,- ասում է Կլեր Բերկը:

Ամուսինները պատմում են, որ շատ անգամ քննարկել են համատեղ կյանքի հնարավորությունը: Սակայն իրենց հետ է պահել այն փաստը, որ իրենք երկուսն էլ բացարձակապես գոհ են եղել գործող ձևաչափից և չէին ցանկանում կայացած հարաբերությունների հարցով ռիսկի դիմել:

«Մեր անկախությունը մեր հարաբերություններն ավելի ամուր է դարձնում: Ես միշտ անհամբերությամբ եմ սպասում նրա գալուն և ուրախանում եմ նրան հանդիպելով»,- նշում է Կլերը, իսկ նրա ամուսինը հավելում է՝ ես երբեք չեմ թաքնվում կնոջիցս և գործընկերներիս նրանից չեմ բողոքում:

Զույգի որդին՝ Ջեյը, հերթով ժամանակ է անցկացնում երկու ծնողների տներում: Տղան զարգացման առանձնահատկություններով է ծնվել, սակայն դա էլ չի ստիպել Դեվիդին ու Կլերին միասին ապրել: Նրանք միասին են հոգ տանում որդու մասին և, ինչպես նախկինում, համոզված են, որ միայն առանձին ապրելն է օգնել իրենց 16 տարվա ընթացքում սերը պահպանել:

Աղբյուր` Փաստինֆո