Փաստ ինֆո

21-ամյա Նատաշա Լյուիսը պատմում է, որ իր 58-ամյա ամուսին Ռիչարդին շրջապատող մարդիկ մշտապես իր հոր տեղն են դնում: Սակայն, չնայած դրան, աղջիկը վստահ է՝ տարիքը սիրուն չի խոչընդոտում:

Զույգը Բոթսդեյլից, Անգլիա, ծանոթացել է 2012թ., երբ Նատաշան 16 տարեկան էր: Խանութում աշխատանքի նրան տեղավորել էր մայրը, ով հազիվ թե իրադարձությունների նման շրջադարձ էր սպասում:

«Երբ ես հանդիպեցի Ռիչարդին, ես մտածեցի, որ նա հրաշալի է: Նա ինձ չափազանց մեծահասակ չէր թվում, նա շատ ակտիվ էր ու շատ էր շփվում ընկերների հետ»,- ըստ life.ru-ի, ասում է Նատաշան:

Մի քանի շաբաթվա ընթացքում Ռիչարդը աղջկան պատմել է իր անհաջող ամուսնությունների և քրոջ մահվան մասին, իսկ հետո հարցրել է Նատաշային՝ կարելի՞ է նրան համբուրել: Դրանից հետո զույգը սկսել է հանդիպել և պարբերաբար գիշերել օթելում: Սակայն Նատաշայի ծնողները իրենց հարաբերությունների մասին իմացել են միայն կես տարի անց:

«Հայրս շատ վրդովված էր, որ Ռիչարդը հորիցս 10 տարով ավելի մեծ է, սակայն ես իմն էի պնդում և նա ստիպված էր հաշտվել դրա հետ »,- ասում է Նատաշան:

Երբ Նատաշան դարձել է 18 տարեկան, նրանք օրինականացրել են իրենց հարաբերությունները: Սակայն աղջիկը գանգատվում է, որ շրջապատող մարդիկ, ինչպես նախկինում, չեն կարողանում հավատալ իրենց ամուսնությանը և թարս են նայում, երբ նրանք գնում են փողոցով՝ ձեռք-ձեռքի բռնած: Օթելներում նրանց փորձում են առանձին մահճակալներ առաջարկել՝ կարծելով, որ նրանք հայր ու դուստր են, իսկ ընկերները համարում են, որ Նատաշան ընկել է Ռիչարդի փողերի հետևից: Սակայն աղջիկը վստահ է, որ իրենց զգացմունքները ցանկացած փորձություն կհաղթահարեն:

Աղբյուր` Փաստինֆո