Փաստ ինֆո

Լինեթթ Ջեյմսը պատրաստվում էր ցնցուղ ընդունել, երբ լսեց, թե ինչպես դուստրը՝ Աննա-Մարին, իրեն օգնության է կանչում: Կինն անմիջապես վազեց հյուրասենյակ, որտեղ տեսավ իր որդուն՝ արյունոտ դանակով: 36-ամյա Մելվինը ուղղվեց դեպի մայրը և նրան մի քանի հարված հասցրեց մինչ նա կրկնում էր՝ որդիս, ես սիրում եմ քեզ: Ըստ life.ru-ի, այս մասին հաղորդում է Daily Mail-ը:

«Նրա աչքերն արյունով էին լցված: Նա նայում էր ինձ վրա՝ անթարթ, այն ժամանակ, երբ նորից ու նորից դանակը խրում էր մարմնիս մեջ: Ես անվերջ կրկնում էի՝ «Որդիս, ես սիրում եմ քեզ»»,- ասում էր մայրը:

Բարեբախտաբար, 59-ամյա Լինեթթին հաջողվել է դուրս պրծնել ու փակվել լողասենյակում, որտեղից կանչել է ոստիկաններին: Գիտակցությունը կորցնելուց առաջ կնոջ վերջին բառերն են եղել. «Ես մահանում եմ, իմ որդին հարձակվեց իմ ու իմ դստեր վրա»:

Այդ օրը գործազուրկ Մելվինը ծայրաստիճան տարօրինակ էր իրեն պահում. տղամարդը բացել էր իր սենյակի բոլոր լուսամուտները, որովհետև «նրա կոկորդն այրվում էր»: Լինեթթն ու Աննա-Մարին որոշել էին, որ հաջորդ օրը նրա հետ միասին բժշկի կգնան: Սակայն արդեն մի քանի ժամ անց տունը շրջապատել էր ոստիկանությունը, որը հասցրել էր փրկել ազգականներից մեկին: Աննա-Մարին ստացած վնասվածքներից մահացել էր, իսկ նրա մորը հոսպիտալացրել էին ծանր վնասվածքներով:

Ոստիկանները փորձել էին ձերբակալել Մելվինին, սակայն նա ինքն իրեն դանակով մի քանի հարված էր հասցրել և մահացել:

Ընտանիքը փետրվարին վերցրել էր տղամարդուն Էդինբուրգի հոգեբուժական հիվանդանոցից, որտեղ վերջինս կամավոր էր դիմել: Բժիշկները նրա մոտ դեղորայքային փսիխոզ էին ախտորոշել, սակայն մեկ ամսվա բուժումը դրական արդյունք էր տվել, դրա համար նրան թույլ էին տվել ապրել տանը:

Աղբյուր` Փաստինֆո