Փաստ ինֆո

Դանիայի տերիտորիալ ջրերում գտել են լրագրող Կիմ Վալլի մարմինը, ով կորել էր ստորջրյա նավի ստեղծող ու սեփականատեր Պետեր Մադսենի հետ հարցազրույցից հետո: Ըստ life.ru-ի, այդ մասին հաղորդում է SVT Nyheter շվեդական հեռուստաալիքը:

Նավի ստեղծողը հայտարարել է, որ նավում դժբախտ պատահար է տեղի ունեցել, որը հանգեցրել է լրագրողուհու մահվան, և ինքը ստիպված է եղել նրան հուղարկավորել ծովում: Այս մասին հայտարարել է Կոպենհագենի ոստիկանությունը, որը քննում է այս գործը: Այն նաև հավելել է, որ ստորջրյա նավի տիրոջ հանդեպ մեղադրանքները մնում են ուժի մեջ:

Հիշեցնենք, որ «Նաուտիլուս» նավը՝ Պետեր Մադսենի ու Կիմ Վալլի հետ միասին ծով է դուրս եկել օգոստոսի 10-ի երեկոյան: Հաջորդ օրը լրագրողուհու ընկերը հայտարարել է նրա անհետացման մասին: Իրեն՝ նավի ստեղծողին վերցրել է մեկ այլ նավ այն բանից հետո, երբ նրա նավը խորտակվել է: Մադսենը հայտարարել է, որ լրագրողուհու գտնվելու վայրն իրեն հայտնի չէ, քանի որ ինքը նրան ափ է իջեցրել հանդիպումից մի քանի ժամ անց: Որպես իր նավի խորտակվելու պատճառ նա նշել է տեխնիկական խնդիրները:

Մադսենը կալանավորված է մինչև սեպտեմբերի 5-ը: Ոստիկանությունը նավի ստեղծողին կասկածում է լրագրողուհու սպանության և նրա մարմնից ազատվելու մեջ: Աղջկա մահվան մեջ նա իր մեղքը չի ընդունում:

Աղբյուր` Փաստինֆո