Փաստ ինֆո

Այս տարի նկատվել է առանձնապես ծանր հանցագործությունների նվազում՝ շուրջ 18 դեպքով։

Ինչպես «Փաստինֆո»-ին հայտնեցին ՀՀ քննչական կոմիտեից, 2016 թվականին՝ օգոստոսի 17-ի դրությամբ գրանցվել է առանձնապես ծանր եւ ծանր հանցագործության 53 դեպք, իսկ այս տարի՝ 35։ Նկատենք, որ առանձնապես ծանր եւ հանցագործությունների շարքին են դասվում սպանությունները (այդ թվում՝ անհրաժեշտ պաշտպանության սահմանազանցմամբ կատարված սպանությունները, մոր կողմից երեխային սպանելը) սպանության փորձերը։

«Ճիշտ է, վերջին մեկ ամսվա ընթացքում գրանցվեցին աղմկոտ մի քանի սպանության դեպքեր, սակայն դա ամենեւին չի նշանակում, թե սպանությունների աճ է նկատվել։ Հանցավորության վիճակը կայուն է, ավելին՝ կոնկրետ վիճակագրական տվյալները փաստում են, որ ունենք որոշակի նվազում»,- ասացին ՔԿ լրատվական ծառայությունից՝ փաստելով, որ գրանցված հանցագործության դեպքերը, կատարման եղանակն էր մեր իրականության համար աննախադեպ, ինչով էլ պայմանավորված՝ հասարակական մեծ հնչեղություն ստացան։

Գրանցված աղմկոտ սպանությունները՝ Շամիրամ գյուղում տեղի ունեցած 4 անձի սպանությունը, Արմավիրի մարզպետի խորհրդականի, Սեւանի լողափում տեղի ունեցած վիճաբանությանը հաջորդած երիտասարդի, Դիլիջանում հուղարկավորությունից հետ համագյուղացու կողմից կատարված սպանությունները բացահայտվել են։

Դիտարկվող ժամանակահատվածում ծանր հանցագործությունների բացահայտումները կազմել են 85 տոկոս։

Աղբյուր` Փաստինֆո