Փաստ ինֆո

26-ամյա Ֆերնանդա Պերեյրային բարբարոսաբար սպանել են հղիության վեցերորդ ամսում, իսկ նրա մարմինն՝ այրել սատանայական ծեսի շրջանակում: Դրա հետևանքով այն, ինչ մնացել էր աղջկանից, հաջողվել է ճանաչել միայն պահպանված վզնոցի շնորհիվ: Ըստ life.ru-ի, այս մասին հաղորդում է The Sun-ը:

Ֆերնանդայի այրված մնացորդները հայտնաբերվել են արգենտինական անապատում, վերցերորդ խճուղու վեցերորդ կմ-ում: Ամենայն հավանականությամբ, այդ տեղն ընտրվել էր ոչ պատահմամբ. Հանցագործները ջանացել են տուրք մատուցել «գազանի թվին»՝ 666-ին: Քննությունը գտնում է, որ այրելուց առաջ աղջկան սպանել են: Ֆերնանդայի մարմնի այրման համար մեծ քանակով բենզին է օգտագործվել, այդ պատճառով նրանից միայն մոխիր է մնացել:

Ֆերնանդայի սպանության կասկածանքով ոստիկանությունը կալանավորել է երեք հոգու՝ նրա նախկին բոյֆրենդին՝ Լուչանո Էրնանդեսին և նրա ընկերներ Օսվալդո Կաստիլյոյին ու Դիեգո Մարիլլանին: Համարվում է, որ բոլոր երեքը սատանիզմի կամ ինչ-որ անհայտ աֆրիկական կրոնի հետևորդներ են, իսկ կասկածյալներից մեկի մարմնի վրա հայտնաբերվել են բնորոշ դաջվածքներ: Ձերբակալվածները մեղադրվում են նաև թմրանյութերի անօրինական շրջանառության մեջ:

Քննությունը գտնում է, որ Ֆերնանդայի սպանության շարժառիթներից մեկը դարձել է այլ տղամարդուց նրա հղիությունը: Բացի այդ աղջիկը գիտեր, որ Լուչանոն թմրանյութեր է վաճառում, վերջինս արդեն իսկ սպառնացել է սպանել նրան այդ ինֆորմացիայի պատճառով: Ներկայիս դրությամբ սպանության բոլոր երեք կասկածյալները գտնվում են քննչական մեկուսարանում, քննությունը շարունակվում է:

Աղբյուր` Փաստինֆո