Փաստ ինֆո

Անտառային ոլորտի մշակված հայեցակարգը բավարար լուծումներ չի նախատեսում: Կառավարության այսօրվա նիստում հայտարարել է  վարչապետ Կարեն Կարապետյանը` անդրադարձավ անտառային ոլորտի համալիր բարեփոխումների խնդրին:

Մասնավորապես վարչապետի կարծիքով` անտառային ոլորտի մշակված հայեցակարգը բավարար լուծումներ չի նախատեսում անտառների պահպանության, ապօրինի ծառահատումների դեմ պայքարի և առկա կառույցների կառավարման խնդրիների մասով:

Կ.Կարապետյանը գյուղատնտեսության, բնապահպանության և տարածքային կառավարման ու զարգացման նախարարներին հանձնարարեց մեկամսյա ժամկետում համատեղ մշակել և կառավարության աշխատակազմ ներկայացնել անտառային ոլորտի բարեփոխումների լրամշակված նախագիծ` առաջարկելով նաև օրենսդրական լուծումներ, նաև հստակ տարանջատելով անտառօգտագործման և անառպահպանման խնդիրները:

«Մենք ունենք անտառային տնտեսությամբ զբաղվող մի քանի կառույցներ, որտեղ գործառույթները հստակ տարանջատված չեն: Մենք ուզում ենք, որ կառավարի մի կառույց, վերահսկի մի կառույց, որպեսզի առաջանա համապատասխան աշխատանքային շահերի բախում, որի արդյունքում նպաստավոր պայմաններ կստեղծվեն»,- ասաց Կ.Կարապետյանը:

Աղբյուր` Փաստինֆո