Փաստ ինֆո

Հատւկ ռեժիմի գաղութում 9 տարվա ազատազրկման դատապարտված Սերգեյ Ասատրյանը, ով քրեական միջավայրում հայտնի է Օսետրինա-մլադշի կամ Սերյոժա Բենթլի մականուններով, բանտարկության մեջ դժվարությունների է բախվել:

Այն բանից հետո, երբ «օրենքով գող» Սերյոժա Բենթլիին 2017թ. փետրվարին խոշոր գումարի շորթման համար դատապարտել են, նրան հետապնդում են պատահարները:
Նախաքննության և գաղութ էտապավորման ժամանակահատվածում Ասատրյանը մի քանի քննչական մեկուսարան է փոխել: Նրան պահում էին «Մատրոսսկայա տիշինա»-ում, «Բուտիրկա»-ում և ռուսաստանյան ամենախիստ բանտերից մեկում՝ «Վլադիմիրսկի ցենտրալ»-ում:

Աղբյուրը պատմել է, որ Օսետրինա-մլադշիին մտադիր էին պատիժ կրելու համար ուղարկել թիվ մեկ ուղղիչ գաղութ՝ Սուխոբեզվոդնոյե ավան, սակայն էտապավորումը բազմիցս հետաձգվում էր «օրինականի» առողջական լուրջ խնդիրների պատճառով: Որոշ տեղեկությունների համաձայն, Ասատրյանը վիրահատություններ է տարել:

Մոսկվայից նիժեգորոդյան թիվ մեկ ուղղիչ գաղութ էտապավորման ճանապարհին «օրենքով գողն» բախվել է անսպասելի տհաճության: Դա տեղի է ունեցել Նիժեգորոդյան շրջանի Միտինո ավանում գտնվող թիվ երկու քննչական մեկուսարանում՝ այստեղ Սերգեյ Ասատրյանին դիմավորել են ոչ որպես «օրենքով գողի»:

Աղբյուրները հաղորդում են, որ Ասատրյանի տիտղոսը չճանաչելու ցուցումը եկել է «օրենքով գող» Վիկտոր Ժարինովից (Ցեզար), ում պաշտպանել են Գելա և Գիզո Կարդավա եղբայրները, Դմիտրի Չանտուրիան (Միրոն), Վալերի Ֆարիզովը (Վալերա Թբիլիսսկի), Գեորգի Ջանելիձեն (Գոգի Պիտերսկի), Մախարե Գվարամիան (Մացիկ), Կոբա Շեմազաշվիլին (Կոբա Ռուսթավսկի), Կախա Ջանգվելաձեն (Շալվովիչ) և Զվիադ Օզմանովը (Զվիադ Թբիլիսսկի):

Վերը թվարկվածների կարծիքով, Ասատրյան կրտսերը իրավունք չունի «գող» անվանվել 2013թ. մարտից ի վեր: Հիշեցնենք, որ Ասլան Ուսոյանի (Դեդ Հասան) մահից հետո, հինգ տարի առաջ «օրենքով գողերը» ձեռնամուխ են եղել բաժանել նրա ժառանգությունը և իրենց իշխանությունը պաշտպանել: Այն ժամանակ էլ հակամարտել են Դմիտրի Չանտուրիան (Միրոն) և Էդուարդ Ասատրյանը (Օսետրինա մլադշիի տիտղոսակիր հայրը):

Վերջինիս կողմից մի շարք սադրանքներից հետո Միրոնը հավաքույթ է նշանակել: Մի քանի տասնյակ մարդ հավաքած հանդիպմանը «օրենքով գողերը» մեկը մյուսի հասցեին երկուստեք պահանջներ են փոխանակել: Երբ փաստարկները սկսել են սպառվել, կռիվ է սկսվել: Ծանրության նժարն եղել է Չանտուրիայի կողմը, որի արդյունքում Էդուարդ և Սերգեյ Ասատրյանները և նրանց դաշնակիցներ Ռոմիկ Ջաֆարովն ու Գուրամ Չիխլաձեն ծեծվել են: Այն ժամանակ խոսում էին, որ թեթև էր պրծել միայն Օսետրինա-մլադշին: Որոշ տեղեկություններով մինչ հեղինակությունները դիմացկունությամբ տանում էին ծեծը, Սերգեյ Ասատրյանը թաքնվում էր զուգարանում:

«Օրինականները» Սերյոժա Բենթլիին կարգավիճակից զրկել նպատակադրվել էին արդեն վաղուց, սակայն միայն հիմա դրա համար հարմար առիթ ներկայացավ: «Գողական» անունը վերադարձնել նա կկարողանա իր ընդդիմախոսներին ֆիզիկական պատասխան տալու դեպքում:

Օսետրինա-մլադշիի դափնեզրկումը կանդրադառնա նաև նրա հոր՝ Էդիկ Ասատրյանի հեղինակության վրա: Ինչպես կպատասխանի Ասատրյան ավագը «օրինականների» որոշմանը, հայտնի կդառնա մոտ ժամանակներս: Արդեն իսկ տասն օր հետո Էդիկ Թբիլիսսկին կազատվի ազատազրկման վայրից, որտեղ պատիժ էր կրում թմրանյութեր պահելու համար:

Աղբյուր` Փաստինֆո