Փաստ ինֆո

Armsport.am-ը գրում է, որ Ֆրանսիայի հավաքականի կազմում աշխարհի և Եվրոպայի չեմպիոն հռչակված Յուրի Ջորկաեֆը «Sky Sports»-ին տված ծավալուն հարցազրույցում խոսել է Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի` նոր մրցաշրջանում հեռանկարների մասին.

«Երկար ժամանակ ճանաչել եմ Հենրիխի ընտանիքին: Մենք միշտ կապ ենք պաշտպանել միմյանց հետ: Նրանք շատ-շատ լավ մարդիկ են, և ես հաճախ հանդիպում եմ նրանց հետ, երբ լինում եմ Հայաստանում: Դա կարևոր է, քանի որ մենք քիչ ենք: Պետք է աջակցենք միմյանց»,- ասել է Ջորկաեֆը:

ՄՅՈւ-ում իր առաջին մրցաշրջանում հիմնական կազմում տեղ զբաղեցնելու համար Մխիթարյանից բավականին երկար ժամանակ պահանջվեց: Խոսելով այդ մասին` ֆրանսահայ ֆուտբոլիստը հետևյալն է ասել.

«Հենրիխը հիանալի տղա է, որը երբեք չի բողոքում: Մրցաշրջանի սկզբում նա չէր խաղում, նա նույնիսկ պահեստայինների նստարանին չէր Մոուրինյուի հետ, բայց խաղից խաղ նա իր տեղը զբաղեցրեց հիմնական կազմում: Նա միշտ քրտնաջան աշխատում և հասնում է իր նպատակներին: Բոլորս նրանով շատ ենք հպարտանում Հայաստանում»,- ասել է Ջորկաեֆը:

Խոսելով այն մասին, թե ինչպես իրեն կդրսևորի Մխիթարյանը նոր մրցաշրջանում, Ջորկաեֆն ասել է.

«Պետք է հիշել, որ նա բարելավեց իր մակարդակը մրցաշրջանի ընթացքում: Թե' «Մանչեսթեր Յունայթեդի» և թե' անձամբ իր համար նա շատ զարգացրեց: Հաշվի առնելով այն վստահությունը, որով նա ավարտեց նախորդ մրցաշրջանը և մեկ տարի ակումբին և առաջնության հարմարվելուց հետո` ես վստահ եմ, որ նա հաջորդ մրցաշրջանում կլինի գագաթնակետում:

Պետք է մեկը, որը կարող է փոխել խաղը երկրորդ կեսում: Դա Հենրիխն է: Վստահ եմ նրա համար մեծ մրցաշրջան է սպասում»,- եզրափակել է իր խոսքը Ջորկաեֆը:

Հիշեցնենք` այն բանից հետո, երբ Մխիթարյանը ՄՅՈւ-ի հետ նվաճեց Եվրոպա լիգայի Գավաթը, Ջորկայեֆը շնորհավորեց հայ ֆուտբոլիստին` հրապարակելով այս լուսանկարը.

Աղբյուր` Փաստինֆո