Փաստ ինֆո

Պաշտպանության բանակի մարտական բարդ առաջադրանքներ իրականացնող տասը զինծառայողներ պարգևատրվել են դյուրակիր համակարգիչներով։ Նախաձեռնությունը Հայաստանի երիտասարդական հիմնադրամինն է։ Այս մասին տեղեկացնում է Հայաստանի երիտասարդական հիմնադրամի հասարակայնության հետ կապերի ծառայությունը:

Հայաստանի երիտասարդական հիմնադրամի հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը նշում է, որ Երիտասարդական հիմնադրամը բազմաթիվ ծրագրեր է իրականացնում զինված ուժերում, որոնց նպատակը բանակ-հասարակություն կապի ամրապնդումն է, մերօրյա հերոսների սխրանքների ներկայացումն ու փառաբանումը։

Կարեն Ավագյանը, անդրադառնալով մարտական բարդ առաջադրանքներ իրականացնող զինծառայողների պարգևատրմանը, նշեց, որ մենք պետք է հպարտանանք նրանց անձնվեր ծառայությամբ և երախտապարտ լինենք. «Նրանք պատվով են կատարում բարդագույն խնդիրներ։ Սա ամենափոքր բանն է, որ մենք կարող ենք անել այդ հերոս տղաների համար, ում ամեն օրը սխրանքի պատմություն է»։

Աղբյուր` Փաստինֆո