Փաստ ինֆո

Ժիրայր Սեֆիլյանի գործով այսօրվա դատական նիստին ներգրավվում են անբաստանհալների պաշտպանները: Դատական նիստերի դահլիճում է գտնվում յոթ ամբաստանյլաներից ընդամենը մեկը, ում նկատմամբ դեռևս դատական սանկցիա չի կիրառել դատարանը:

Նախագահողի կողմից հերթով դատարան էին հրավիրում ամբաստանյալները, որոնց հետ ճշտվում էր իրենց շահերը ներկայացնող պաշտպանների անունները:

Ժիրայր Սեֆիլյանը դահլիճ մտնելուց հետո հայտարարեց, որ իր շահերի պաշտպանությունը կիրականացնի Տիգրան Հայրապետյանը, և որ ինքն արգելել է նրան իր բայացակյությամբ մասնակցել դատական նիստերին:

Դատարանը նրան պարզաբանեց, որ Սեֆիլյանը երեք դատական նիստ անընդմեջ բացակայել է և առաջարկեց, որպեսզի այլ փաստաբան նրա պաշտպանությունն իրականացնի:

Ի պատասխան՝ Սեֆիլյանն ասաց՝ Ձեր պաշտպանը պահեք ձեզ: նա նաև նշեց, որ իր փաստաբանն է նաև Արա Զաքարյանը:

Ամբաստանյալ Գևորգ Սաֆարյանի պաշտպան Տիգրան Եգորյանը էլ չորս նիստ է չի մասնակցել: Դատարանն ամբաստանյալին պարզաբանեց, սակայն Սաֆարյանը ևս չցանկացավ, որպեսզի այլ փաստաբան ստանձնի իր պաշտպանությունը:

Ամբաստանյալ Ներսես Պողոսյանի շահերի պաշտպան Արայիկ Պապիկյանն էլ երեք անընդմեջ նիստ չի մասնակցել`ըստ դատարանի: Այս դեպքում էլ ամբաստանյալը ևս չհրաժարվեց և ցանկացավ, որ իր պաշտպանությունն իրականցնի նաև փաստաբան Նինա Կարապետյանցը:

Վերջինիս ներկայությունն ապահովելու նպատակով դատարանը մեկ ժամով ընդմիջեց նիստը:

Նշենք նաև, որ այսօր դատական սանկցիայի արժանացավ նաև Սասունիկ Կիրակոսյանը, ով նախագահողի՝ դահլիճ ներս մտնելիս ոտքի չկանգնեց:

Մեկ անգամ նախազգուշացնելու հետո ամբաստանյալի վարքագիծը չփոխեց, և դատարանը նրա նկատմամբ սանկցիա կիրառեց`10-ը ժամով հեռացնելով դատական նիստերի դահլիճից:

Աղբյուր` Փաստինֆո