Փաստ ինֆո

Ինչպես հայտնի է դարձել «Փրայմ Քրայմ» գործակալությանը, Դոնի Ռոստովի թիվ մեկ քննչական մեկուսարանը օրերս դարձել է տարբեր գողական կլանների շահերի հերթական բախման վայր:

Խռովության պատճառ է դարձել ոմն Արթուր Աթաբեկյանն, նույն ինքը՝ Արթուր Մոլոդոյը, ով Բոգատյոնովկա մտնելով ինքն իրեն գող էր հայտարարել:

Պարզվել է, որ նա դրա թողտվությունը ստացել է քութաիսյան ծագման «հունական» գողերից՝ Գիա Զվիադաձեից և Գոչա Ալփաիձե- Անտիպովից, նույն ինքը՝ Ալֆասոն, ովքեր չնայած երևանյան հավաքույթի որոշմանը, արդեն Արթուրի մեջ գող են տեսնում: Սակայն բանտային հանրությունը, ղեկավարվելով ռոստովյան «պապայի»՝ Նոդար Ասոյանի և տեղերում նրա երաշխավորյալ Գիլանի Սեդոյի դիրեկտիվներով, Արթուրին որպես գող չի ընդունել:

Հիշեցնենք, որ Իսպանիայից վերադարձած Շաքրո Մոլոդոյի առանցքային որոշումներից մեկը (ում շնորհիվ հաջողվել էր խլացնել գողական երկպառակությունը և մինչև այժմ պահպանել փխրուն խաղաղություն), դարձել է 2013թ. հետո կատարված բոլոր թագադրումների տոտալ ռևիզիան, ինչպես նաև պայմանավորվածությունը նորերը չկատարել՝ մինչև թշնամանքի մեջ գտնվող կլանների միջև առկա տարաձայնությունների լուծումը: «Չար լեզուները» ասում են, որ գողական նորեկների կադրային վերանայումով Շաքրոն միայն ամրապնդեց իր իշխանությունը՝ ոչ ցանկալիներին հեռացնելով, և սեփական գանձարանը լցնելով, թողնելով լոյալներին: Ինչևէ, քանի դեռ Շաքրոն ազատության մեջ էր մնում, ոչ ոք չէր համարձակվում վիճարկել նրա որոշումները: Սակայն հիմա ավելի հաճախ է ձայն բարձրացվում ընտանիք նոր ընդունելությունների օգտին, փաստարկելով, որ արժանիների վերհանման բնական պրոցեսը Շաքրոյի կամքով չի կարելի կանգնեցնել:

Թագադրումների վերսկսման ամենակատաղի պաշտպաններից մեկը 58-ամյա Գիա Զվիադաձեն է, ով ազատվել է բանտարկությունից մեկ տարի առաջ և հիմա համառորեն փորձում է վեց տարվա ընթացքում բաց թողածը հետ բերել այն ժամանակ, երբ անգամ ավելի երիտասարդ «ցեխի գործընկերները» դառնում էին «կնքահայրեր»: Արդեն ծեր տարիքի պատճառով Գիան մտահոգ է ոչ պարզապես հապճեպ հարստացման, այլև սեփական կլան ստեղծելու մտքով: Սակայն Ալֆանսոնի հետ նրանց համարձակ պլանները Արթուրի հետ կապված ավելի շատ հիշեցնում են կատվի կույր ձագերի համար լողի դասերը: Լողալով դուրս կգաս՝ կդառնաս գող: Հնարավոր է: Երբևէ: Լողալով դուրս չես գա, ուրեմն, քո ճակատագիրը չէ: Հանուն արդարության պետք է ասել, որ Արթուրը դեռևս ջրի երեսին է մնում:

Այն, որ Շաքրոյի որոշումը պահպանվի նաև հետագայում, առնվազն Նոդար Ասոյանի պատասխանատվության գոտում, նրա շահագրգռությունն է: Նոդարը չի կարող չհասկանալ, որ Ռոստովում հայկական ազգության «օրենքով գողի» հայտնվելը սպառնում է ամբողջ տարածաշրջանում Նոդարի ազդեցության անխուսափելի թուլացմամբ: Քանի որ մերկապարանոց փաստարկումը՝ թույլ չտալ, արդեն անբավարար է թվում, Նոդարն առաջ է քաշում դեռևս չապացուցված վարկած այն մասին, որ Արթուրը մսի առևտրով է զբաղվել: «Հույները» դրա հետ կտրականապես համաձայն չեն, սակայն Ռոստովում նրանց կարծիքը դեռևս արհամարհում են:

Աղբյուր` Փաստինֆո