Փաստ ինֆո

Որոշ փաստաբաններ փորձում են տպավորություն ստեղծել, թե իրենց նկատմամբ խրտական վերաբերմունք է դրսևորվում:

Մասնավորապես, խոսքը գնում է դատական կարգադրիչների կողմից դատարան մուտք գործող անձանց զննության ենթարվելուն, այդ թվում՝ ինչպես դատավարության մասնակիցներին, այնպես էլ՝ այն քաղաքացիների, ովքեր ցանկանում են ուղղակի ներկա գտնվել որոշ գործերով դատական նիստերին:

Թերևս փաստաբանների կողմից այս հարցը բարձրացվեց վերջին օրերին մի քանի աղմկահարույց գործերով, մասնավորապես՝ Ժիրայր Սեֆիլյանի և մյուսների գործով, ինչպես նաև՝ ՊՊԾ-ի գործով մեկնարկից հետո:

Դատարան մուտք գործելու ժամանակ դատական կարգադրիչների կողմից զննության ենթարկվելու պահանջը փաստաբանների զայրույթն առաջացրեց, ըստ որոշ փաստաբանների՝ կարգադրիչները ոչ թե զննություն, այլ խուզարկություն են իրականցնում, և այդ պայմաններում նրանք հրաժարվում են ենթարկվել կարգադրիչների պահանջնին:

Այս հարցի առնչությամբ «Փաստինֆո»-ի թղթակիցը զրուցել է ՀՀ Դատական դեպարտամենտի ղեկավար Կարեն Փոլադյանի հետ:

Վերջինս ընդգծում է՝ դատարան մուտք գործած բոլոր անձինք, դատավարության մասնակիցները զննության են ենթարկվում: Դատական օրենսգրքի մի քանի հոդվածներով ամրագրված է դատական կարգադրիչի լիազորությունները և այդ լիազորությունները իրացնելիս կարգադրիչը իրավունք ունի զննության ենթարկել դատարան մուտք գործող յուրաքանչյուր անձի և նրանց իրերը:

Դատական դեպարտամենտի ղեկավարն ընդգծում է՝ կարգադրիչը դատարան մուտք գործող անձին խուզարկելու իրավունք չունի, փաստաբաններին խուզարկության ենթարկելու փորձ չի եղել, դա որոշ փաստաբանների երևակայության արդյունքն է:

Փաստաբանների մյուս ընդվզման պատճառն էլ այն է, թե դատավարության մյուս կողմը՝ դատախազները, զննության չեն ենթարկվում: Հարցի առնչության Փոլադյանը նշեց, որ դատարան մուտք գործած բոլոր անձինք, դատավարության մասնակիցները այդ թվում նաև՝ դատախազները զննության ենթարկվում են, սակայն չգիտես ինչու փաստաբանները փորձում են տպավորություն ստեղծել, որ իրենց նկատմամբ խտրական վերաբերմունք է դրսևորվում:

Ինչ վերաբերում է դատարան մուտք գործող անձանց անձնագրային տվյալները վերցվելուն, ապա Փոլադյանն ասաց, որ դա արվել է կարգադրիչների կողմից բացառապես դատական օրենսգրքով նախատեսված իրենց գործառույթներն իրականցնելու շրջանակում և կատարվել է բացառապես դատավարության մասնակիցների, դատարանում հասարակական կարգի ապահովման անվտանգության տեսանկյունից:

Մտահոգությունները, թե այդ անձնագարային տվյալները վերցնելը նպատակ է հետապնդում այլ կառույցների փոխանցման, Փոլադյանը վստահեցրեց՝ այն անձանց անձնագրային տվյալները որոնք վերցրվում են դատական կարգադրիչների կողմից, դատական նիստի ավարտից հետո ոչնչացվում են և որևէ մեկին չի փոխանցվում:

Բոլոր այն միջոցառումները, որոնք իրականացվում են դատական կարգադրիչների կողմից՝ կատարվում են դատարան մուտք գործող անձանց անվտնագությունն ապահովվելու նկատակով:

Միևնույն ժամանակ Դատական դեպարտամենտի ղեկավարը նշեց, որ ձգտելու է ստեղծել այնպիսի հնարավորություններ, որ բոլոր դատարաններում լինեն անվտանգության միջոցներ նախատեսող սարքավորումներ, որպեսզի յուրաքանչյուր դատական նիստի մասնակցող անձ զննության ենթարկվի, որից հետո միայն նրան թույլատրվի դատական նիստերի դահլիճ մուտք գործել:

Աղբյուր` Փաստինֆո