Փաստ ինֆո

Լայնամաշտաբ պատերազմ գրեթե պետք է չսկսվի այն պարզ պատճառով, որ պատերազմով Ղարաբաղի հարցը չի կարող լուծվել: Այսօր այդ մասին լրագրողների հետ հանդիպմանն ասաց ՀՀ ՊՆ Վիգեն Սարգսյանը:

-Երբ ես ասում եմ, որ հակառակորդը անկախատեսելի է, ես դա էլ նկատի ունեմ, սակայն չկա այնպիսի պատերազմական զարգացում որով, որ Ղարաբաղի հարցը կարող է լուծվել Ադրբեջանի համար օգուտով և ընդհակառակը՝ կա մեծ ռիսկ, որով լայնամասշտաբ պատերազմի պարագայում Ադրբեջանը կարող է ստանալ անուղղելի վնաս՝ ի՛ր տնտեսության և ի՛ր պետության համար:

Մտածված գնալ լայնամաշտաբ պատերազմի անմտություն կլիներ Ադրբեջանի ղեկավարության կողմից-, ասաց ՀՀ ՊՆ Վիգեն Սարգսյանը հավելելով՝ սակայն դա չի բացառում տարբեր սադրանքներ, էսկալացիաներ, թիրախային հարվածներ հասցնելու հնարավոր վտանգները:

ՀՀ Պաշտպանության նախարարը նշեց նաև, որ քաղաքացիական վերահսկողություն չունեցող երկրում այդպիսի որոշումները շատ ավելի հեշտ կարող են կայացվել, սակայն մենք պետք է մշտապես պատրաստ լինենք՝ այլընտրանք չկա, վտանգը չի կարող մեզ հիասթափեցնել այն աստիճան, որ մենք հրաժարվենք մեր երկիրը, մեր անվտանգությունը պաշատպանելու, խաղաղ իրավիճակում կառուցելու հեռանկարից:

«Մենք պետք է սովորենք ապրել այն իրողության մեջ, որը տարածաշրջանում կա՝ ամրապնդելով մեր անվտանգությունը և դրան զուգահեռ ապահովելով մեր երկրի առաջընթացը բոլոր բնագավառներում, միայն այդպես կարող է երկիրը ամուր լինել: Երբեմն փորձություններ են պետք որպեսզի երկիրը էլ ավելի ամուր լինի»,- ասաց Պնախարարը:

Լուսանկարը՝ Ֆոտոլուրի

Աղբյուր` Փաստինֆո