Փաստ ինֆո

59-ամյա բրիտանուհի Դիանա դե Զոյսան մնացել է կոտրած տաշտակի առաջ Հնդկական օվկիանոսի ափին այն բանից հետո, երբ իր 26-ամյա ամուսինը հայտնաբերվել է ընկերոջ տանը՝ մահացած: Հանուն սիրելիի կինը տեղափոխվել է Շրի Լանկա՝ վաճառելով իր տունը Շոտլանդիայում:

Ըստ life.ru-ի, այրին պնդում է, որ հոթելի աշխատակիցն ամուսնացել է իր հետ փողերի համար և դարձել շորթողների զոհը:

Դիանա դե Զոյսան տեղափոխվել է Շրի Լանկա վեց տարի առաջ՝ սիրահարվելով հյուրանոցի աշխատակցին, ում հետ նա ծանոթացել էր արձակուրդի ժամանակ: 26-ամյա Փրիյանջանայի հետ առաջին հանդիպումից հետո յոթ ամիս անց Շոտլանդիայի բնակչուհին վաճառել է իր տունը 100 հազար ֆունտ ստերլինգով և վերադարձել սիրելիի մոտ ամենալուրջ մտադրություններով: Հարսանիքից հետո նորապսակները սկսել են բնակվել կղզու հարավ-արևմուտքում գտնվող Ախունգալա փոքրիկ քաղաքում:

Սակայն ամուսնությունը չէր կարելի երջանիկ համարել: Գրեթե անմիջապես Դիանան սկսել է կասկածել, որ երիտասարդն իր հետ ամուսնացել է միայն փողերի համար: Բացի այդ ամուսինը հազվադեպ էր տանը հայտնվում: Մասամբ դա կապված էր այն բանի հետ, որ Փրիյանջանան աշխատանքի էր տեղավորվել տաքսիում, սակայն կնոջ անվամբ նվեր սերտիֆակատները, որոնք Դիանան պարբերաբար գտնում էր տանը, բերում էին դավաճանության մտքին:

Իր ամուսնուն «հանցանքի» պահին բռնել Դիանային այդպես էլ չէր հաջողվել. Փրիյանջանան մահացած էր հայտնաբերվել ընկերոջ տանը: Մահը վրա էր հասել մեջքի ու որովայնի շրջանում հրազենային վնասվածքների հետևանքով: Ոստիկանությունը ձերբակալել է հանցագործության կատարելու մեջ երկու կասկածվողի: Դիանայի կարծիքով, իր սիրելին զոհվել է շորթողների կողմից: Ինչևէ փաստորեն առանց գոյատևելու միջոցների մնացած դե Զոյսայի առաջ հարց է ծագել՝ վերադառնալ հայրենիք: Ըստ նրա, բոլոր փողերը, որոնք գոյացել էին տան վաճառքից, բաժին էին հասել Փրիյանջանային ու նրա ազգականներին: Շրի Լանկայում բրիտանական հյուպատոսությունում հայտարարել են, որ համակողմանի աջակցություն ցույց կտան կյանքի դժվարին իրավիճակում հայտնված կնոջը:

Աղբյուր` Փաստինֆո