Փաստ ինֆո

CNN-ի երեք լրագրող ազատվել է աշխատանքից այն բանից հետո, երբ ամերիկյան հեռուստաալիքի կայքէջից հեռացվել էր նրանց նյութը Ուղիղ ներդրումների ռուսաստանյան հիմնադրամի ղեկավար Կիրիլ Դմիտրիևի հետ ԱՄՆ նախագահ Դոնալդ Թրամփի խորհրդականներից մեկի կապերի մասին:

Հիմնադրամը ստեղծվել է աշխարհի առաջատար ներդրողների հետ համատեղ ռուսաստանյան առաջատար և հեռանկարային ընկերություններ ուղիղ ներդրումներ անելու համար: Այն հիմնադրվել է 2011թ. Ռուսաստանի կառավարության կողմից, Հիմնադրամի կառավարման ներքո գտնվող կապիտալը կազմում է 10 մլրդ դոլար:

Ըստ BBC-ի ռուսական ծառայության, լրագրողների աշխատանքից ազատվելու մասին հաղորդել է հենց CNN-ը: Հեռուստաալիքից հեռացել են Թոմաս Ֆրենկը, ով գրել է այդ նյութը, հետաքննությունների բաժնի խմբագիր Էրիկ Լիխթբլաուն և բաժնի պետ Լեքս Հարիսը:
Ֆրենկը 30 տարի աշխատել է USA Today և Newsday-ում: Նա հետաքննություններ էր վարում և որպես ռազմական թղթակից լինում էր Իրաքի պատերազմում:

Լիխթբլաուն- New York Times թերթի վետերան է, նա 2006թ. Պուլիտցերովյան մրցանակի դափնեկիր է, CNN է եկել ընդամենը երեք ամիս առաջ:

Հարիսն, ով նշանակվել էր CNN-ի՝ հունվարին ստեղծված հետաքննությունների բաժնի գործադիր խմբագիր, մինչ այդ համանման պաշտոն էր զբաղեցնում CNN-փողեր բաժանմունքում:

«Ուրբաթ CNN-ը հրաժարվել է իմ թիմի կողմից հրապարակված պատմությունից: Որպես այդ թիմի գործադիր խմբագիր, ես հրաժարական եմ տվել: Ես աշխատում եմ CNN-ի հետ 2001թ.-ից և համոզված եմ մի բանում. դա նորությունների կազմակերպություն է, որը գնահատում է ճշգրտությունը և արդարությունը, առաջին հերթին: Ես գնում եմ, սակայն կրելու եմ այդ սկզբունքները, որտեղ էլ որ չգնամ»,- ասել է Հարիսն իր հայտարարության մեջ:

Աղբյուր` Փաստինֆո