Փաստ ինֆո

Հունիսի 24-ին՝ ժամը 08:31-ին, ԱԻՆ-ում ահազանգ է ստացվել, որ Վարդենիս-Շորժա ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-14 ավտոճանապարհի Վարդենիս-Շորժա հատվածի 25-րդ կմ-ին ՊՆ պետհամարանիշով «ԳԱԶ 66» մակնիշի ավտոմեքենան դուրս է եկել ավտոճանապարհի երթևեկելի հատվածից և մոտ 6 մ սահել մոտակա ձորակը (թափքը պոկվել է)։ 14 ուղևոր տարբեր աստիճանի մարմնական վնասվածքներով տեղափոխվել են Վարդենիսի զինվորական հոսպիտալ, որտեղ բժիշկները 7 տուժածի առողջական վիճակը գնահատել են ծանր, իսկ մյուս 7-ինը՝ միջին ծանրության:

Ժամը 11:20-ին տեղեկություն է ստացվել, որ Վարդենիսի զինվորական հոսպիտալից 7 տուժածի տեղափոխում են Երևանի Կենտրոնական կլինիկական զինվորական հոսպիտալ, մյուս 7-ից երկուս-ը դուրս են գրվել, իսկ հինգը՝ Վարդենիսի զինվորական հոսպիտալում ստանում են համապատասխան բուժօգնություն:

Փրկարարները 2 տուժածի ցուցաբերել են առաջին բուժօգնություն, ովքեր հրաժարվել են հոսպիտալացումից, իսկ ժամը 09:28-ին հոսանքազրկել են ավտոմեքենան:

Պայմանագրային զինծառայողներին տեղափոխող ավտոբուսը վթարի է ենթարկվել. հոսպիտալացվել է 12 զինծառայող

Ավելի վաղ տեղեկացրել էինք, որ վթարի ենթարկված ավտոբուսում եղել է շուրջ երկու տասնյակ պայմանագրային զինծառայող, որոնցից միայն 12 է հոսպիտալացվել: Նախնական տվյալներով՝ զինծառայողների վիճակը բավարար է գնահատվում:

Աղբյուր` Փաստինֆո