Փաստ ինֆո

Ինչպես հայտնի է դարձել «Փրայմ Քրայմ»-ին, «թուրքական» գողական խմբավորումը՝ առաջնորդությամբ հենց նոր ազատված «օրենքով գող» Մերաբ Ջանգվելաձեի, անցել է մարտական գործողությունների:

Գլխավոր հարվածի ուղղություն է դարձել նախկին թիվ մեկ «օրենքով գող» Զախարի Կալաշովի, նույն ինքը՝ Շաքրոյի, ընտանեկան կլանը: Տակտիկական գրոհի օբյեկտ է ընտրվել Շաքրոյի պաշտպանության ամենաթույլ օղակը՝ նրա ազգական Շալվա Օզմանովը, ով առավել հայտնի է որպես Կուսո:

Հիշեցնենք, որ Շալվա Օզմանովը, ինչպես և նրա քեռին՝ Դաթոն, ինչպես նաև երկու Նոդարները՝ Ասոյանը և Ալոյանը, մտնում էին Շաքրոյի մերձավոր շրջանակի մեջ և համարվում էին նրա գաղափարների ու որոշումների հիմնական հաղորդողները: Շաքրոյի կալանավորումից անմիջապես հետո Դաթոն և Կուսոն առանց մարտի տվել են «գլխավոր օֆիսը» և նահանջել են ռազմաճակատի գծից դեպի նախօրոք նախապատրաստված՝ Արա Մուրադյանի արմավիրյան ամրացված շրջան:

Համաձայն հաստատված հետախուզական տվյալների, «թուրքերը» ստացել են անհերքելի ապացույցներ առ այն, որ Կուսոն մինչև գող դառնալը աշխատել է իր մոր բիլիարդանոցում մոսկովյան Մեդվեդկովո շրջանում և անգամ կրծքին կրում էր բեյջիկ, որպեսզի այցելուներն իմանան ինչպես իրեն դիմել, երբ իրենց կիյ կամ կավիճ պետք լինի: Հիմա Ջանգվելաձեի կողմնակիցները համառորեն փնտրում են Կուսոյին, որպեսզի նրան անձամբ հանձնեն «սև նշանը»: Ամենայն հավանականությամբ, միայն աշխատանքային պահանջներով «թուրքերը» չեն սահմանափակվի:

Ներկայումս Կուսոն և Նոդարը գտնվում են Հունաստանում և չեն շտապում ընդունել նետված մարտահրավերը: Ավելի շուտ աշխատողի հետ հարցերը պարզելուց հետո «թուրքերը» կանցնեն նրան, ով ծառայել է: Այն բանից, թե Նոդարի ու Կուսոյի հանդեպ իրենց ինչպես կպահեն «հունական» գողերը, մեծապես կախված է գլխավոր ճակատամարտի ճակատագիրը: Ինչևէ, վերջին իրադարձությունները չեն խոսում հօգուտ նրանց:

Գործակալության տվյալներով, անցյալ շաբաթ կալանքից ազատ էր արձակվել քութաիսյան «հույների» առաջնորդ Դավիդ Սեբիսկվերաձեն, սակայն մի քանի օր անց նորից կալանավորվել էր: Կարճատև ազատության մեջ մնալու ժամանակ Դաթոն, իբրև, հանդիպել է Շաքրոյի էմիսարների հետ և մերժել նրանց փոխանցել հունական «օբշչակը»:

Աղբյուր` Փաստինֆո