Փաստ ինֆո

Կազմակերպված խմբի կողմից ապօրինի զենք ռազմամթերք պահելու մեջ մեղադրվող Ժիրայր Սեֆիլյանի և մյուսների գործով այսօրվա դատական նիստը մեկնարկեց 30 րոպե ուշացումով, իսկ երբ ամբաստանյալներին բերեցին նիստերի դահլիճ, նրանց համախոհները դիմավորեցին՝ «ազատություն» վանկարկելով, իսկ Ժիրայր Սեֆիլյանն ի պատսախան ասաց, որ պայքարը շարունակվելու է:

Դատական նիստն սկվելուց հետո ամբաստանյալ Ներսես Պողոսյանի պաշտպան Արայիկ Պապիկյանը դատարանին ինքնաբացարկ հայտնեց՝ գտնելով, որ նիստը նախագահող դատավոր Տաթևիկ Գրիգորյանը 36 հատոր գործի նյութերը չէր կարող ուսումնասիրել, քանի որ մեծածավալ գործը դատարանին մակագրվելուց հետո, նույն դատավորին են մակագրվել այլ քրեական գործեր, նա ունեցել է նշանակված դատական նիստեր, ուստիև՝ 12 օրվա ընթացքում, որից 5 օրը ոչ աշխատանքային է եղել, դատարանը ուղղակիորեն չէր կարող ծանոթանալ գործին:

Ըստ պաշտպանի՝ ակնհայտ է, որ դատարանը կանխակալ վերաբերմունք ունի Ներսես Պողոսյանի նկատմամբ: Պաշտպան Արայիկ Պապիկյանի միջնորդությանը միացավ նաև փաստաբան Տիգրան Հայրապետյանը՝ գտնելով, որ Տաթևիկ Գրիգորյանը պատշաճ դատավոր չէ:

Դատարանի ինքնաբացարկի միջնորդությանն առարկեց մեղադրող դատախազ Պետրոս Պետրոսյանը և խնդրեց այն մերժել:

Դատատարանը հեռացել է խորհրդակցական սենյակ՝ միջնորդության վերաբերյալ որոշում կայացնելու:

Մանրամասներն ավելի ուշ:

Լուսանկարը՝ Ֆոտոլուրի

Աղբյուր` Փաստինֆո