Փաստ ինֆո

Մանհեթթենի նախկին դատախազ Փրիթ Բհարարան հայտարարել է, որ Դոնալդ Թրամփը ազատել է իրեն աշխատանքից այն բանից հետո, որ երբ ինքը մերժել է պատասխանել նախագահի անձնական հեռախոսազանգին:

Ըստ BBC-ի ռուսական ծառայության, Բհարարան առաջին անգամ հրապարակավ բացահայտել է մարտի 11-ին իրեն աշխատանքից ազատելու մանրամասները: ABC-ի եթերում նա պատմել է, որ 2016թ. նոյեմբերին ընտրություններում հաղթանակից հետո ընտրված նախագահը մի քանի անգամ անձամբ զանգահարել է իրեն:

Ըստ նախկին դատախազի, այդ հեռախոսազանգերը անսովոր են եղել, քանի որ նախկին նախագահ Բարաք Օբաման իրեն անձամբ չի զանգել և ոչ մի անգամ:

Ըստ Բհարարայի, զանգերի մասին ինքը հայտնել է գլխավոր դատախազին: Ընդ որում, նա իր ղեկավարին ասել է, որ իրեն թվացել է, որ Թրամփը կարծես թե փորձում է ինչ-որ հարաբերություններ հաստատել:

Թրամփի երրորդ զանգին՝ արդեն երդմնակալությունից երկու օր անց, Բհարարան չի պատասխանել և հետ չի զանգել, և դրանից բառացիորեն մեկ օր անց նրան և դաշնային այլ 45 դատախազների խնդրել են հրաժարական տալ:

ԱՄՆ-ում ցանկացած դատախազ կարող է հրաժարվել նախագահի կամ նրա ընկերակիցների բիզնես շահերի հետաքննությանը ներգրավվելուց, այդ պատճառով նման խոսակցություններն անընդունելի են, ընդգծել է Բհարարան: Նրա կարծիքով, դատախազների ու նախագահի միջև պետք է լինի «ինչ-որ հեռավորություն»:

Բհարարան ներկա է գտնվել Կոնգրեսի լսումներին, որտեղ ելույթ է ունեցել Հետաքննությունների դաշնային բյուրոյի նախկին տնօրեն Ջեյմս Կոմին, ում հետ իրենք ընկերական հարաբերություններ ունեն, նշում է ABC-ն:
Նախկին դատախազն ասել է, որ Թրամփի հետ շփվելու մասին Կոմիի պատմությունից հետո իր մոտ «դեժավյուի զգացում է» ծագել:

Կոմին լսումների ժամանակ հայտարարել է, որ Թրամփն իրենից նվիրվածություն է պահանջել: ՀԴԲ նախկին տնօրենը նաև համոզմունք է հայտնել, որ Թրամփը ազատել է իրեն աշխատանքից շտաբի՝ Ռուսաստանի հետ հնարավոր կապերի հետաքննության պատճառով, որը գլխավորում էր Կոմին:

Աղբյուր` Փաստինֆո