Փաստ ինֆո

Առողջ ապրելակերպի անհրաժեշտ տարրերը, որոնք թույլ են տալիս հասնել խոր ծերության, ծխելուց հրաժարվելն է, կանոնավոր ֆիզիկական ակտիվությունը (շաբաթական 150 րոպեից ոչ պակաս), ոգելից խմիչքի չափավոր օգտագործումը (շաբաթական 14 ալկոհոլային միավորից ոչ ավելի, միավորը մոտավորապես օղու 30 գրամ է) և սննդային նյութերի և վիտամինների պարունակությամբ բալանսավորված դիետա:

Ըստ segodnya.ua-ի, դա պարզել են շվեդ գիտնականները, ովքեր սահմանել են մարդու կյանքի տևողության ավելացման հետ ուղղակիորեն կապված 4 գլխավոր գործոններ:
Համապատասխան հետազոտությունը հրատարակվել է Journal of Internal Medicine-ում:

Հետազոտությանը մասնակցել է 45-83 տարեկան 33 հազարից ավելի տղամարդ և 30 հազար կին: Նրանց բոլորի մոտ դիտարկումների սկզբի դրությամբ (1998թ.) չեն արձանագրվել քաղցկեղային ու սրտանոթային հիվանդություններ:

Հետազոտության ավարտին՝ 2014թ., սկզբնական խմբում կյանքից հեռացել է 8,5 հազարից ավելի տղամարդ և 6,5 հազար կին: Մահացության պատճառների վերհանումը հաստատապես ցույց է տվել կապը կենսակերպի և կյանքի տևողության միջև:

Օրինակ, եթե մահանալու ռիսկ բոլոր պատճառներով միջինում ընդունել որպես մեկ միավոր երկու գործոններից ավելի պակաս պահպանողների համար, ապա նրանց համար, ովքեր պահպանում են չորս կետերը, այն երկու անգամից ավելի քիչ է՝ 0,47 տղամարդկանց և 0,39՝ կանանց համար: Ինչպես հաշվարկել են գիտնականները, դա համապատասխանում է կյանքի միջին տևողության ավելացմանը համապատասխանաբար՝ 4,1 և 4,9 տարով:

Աղբյուր` Փաստինֆո