Փաստ ինֆո

Եվրոպայի խորհրդի խորհրդարանական վեհաժողովի կանոնադրական հանձնաժողովը քննարկում է վեհաժողովի նախագահ Պեդրո Ագրամունտի նկատմամբ իմփիչմենթ կիրառելու գործիքներ ներդնելու հարցը: Այս մասին «Ֆեյսբուք» սոցիալական ցանցի էջում գրառում է կատարել ԵԽԽՎ հայաստանյան պատվիրակության նախկին անդամ Նաիրա Կարապետյանը:

Առաջարկվում է փոփոխություններ կատարել ներկա կանոնադրության մեջ և հնարավորինս շուտ կիրառել անվստահություն հայտնելու և ԵԽԽՎ նախագահին օրենքի ուժով հեռացնելու իրավունքը: Հանձնաժողովի նիստի ընթացքում Նաիրա Կարապետյանը նաև ելույթ է ունեցել:

«Եթե մենք այլևս չեն վստահում ԵԽԽՎ նախագահին, ինչի՞ց ենք վախենում, ու՞մից ենք թաքցնում մեր դիրքորոշումը, ինչու՞ ենք ուզում քողարկել այն տարբեր միջոցներով։ Այո, ԵԽԽՎ-ում մենք բազմիցս ականատես ենք լինում տարբեր առեղծվածային «պահեստային քվեների», մարդկանց, ովքեր հայտնվում են կարևոր քվեարկությունների ժամանակ և կրկին անհետանում մինչև հաջորդ անհրաժեշտ պահը։ Հեռացված ԵԽԽՎ նախագահին նաև պետք է զրկել մի շարք առավելություններից, և այս ամենը պետք է անել հիմա։ Քաղաքական այս ճգնաժամն արդյունք է ոչ միայն Ագրամունտի բարոյական ցածր պատկերի, այլև մեր կանոնադրություն թերի կետերի»,- ասել է նա:

«Զավեշտալի և մի քիչ ծիծաղելի է հետևել «Պեդրոյի վկաների» վերջին ճիգերին: Անգամ այստեղ նրանք փորձում են մեղմել այս փոփոխությունը, անգամ ակնարկում, որ սա չի կիրառվելու Ագրամունտի նկատմամբ, առաջարկում տարբեր գործիքներ, որ կօգնեն փրկել ԵԽԽՎ ներկա նախագահի: Ողջունելի է, այս ճիգերը, չնայած և համատորեն կրկնվում են, սակայն ապարդյուն են, քանի որ իմ և հանձնաժողովի մյուս անդամների կողմից բնականաբար հնչեցվում են նրանց առաջարկների վտանգները և իրական ենթատեքստը»,- եզրափակում է Նաիրա Կարապետյանը:

Աղբյուր` Փաստինֆո