Փաստ ինֆո

Բաքվի Սաբաիլի շրջանային դատարանը Թբիլիսից առևանգված ադրբեջանցի լրագրող Աֆղան Մուխտարլիի նկատմամբ որպեսխափա նման միջոց է սահմանել երեք ամսով կալանքը: Ինչպես հաղորդում է «Արմենպրես»-ը, այս մասին նրա փաստաբան Էլչին Սադիգովն ասել է ադրբեջանական Turan գործակալությանը:

Փաստաբանը հայտնել է, որ իր պաշտպանյալին ներկայացվել է նոր մեղադրանք՝ սահմանապահի նկատմամբ բռնության կիրառմամբ դիմադրություն ցույց տալու հիմնավորմամբ:

Մուխտարլին ասել է, որ չի տեսել այդ սահմանապահին, և որ իրեն ձերբակալած անձինք եղել են Վրաստանի քրեական ոստիկանության աշխատակիցների համազգեստով: Սադիգովը տեղեկացրել է, որ իրենք բողոքարկելու են դատարանի որոշումը:

Սաբաիլի շրջանային դատարանի դիմաց մայիսի 31-ին Մուխտարլիին ծափահարություններով է դիմավորել ակտիվիստների մեծ խումբ: Աֆղան Մուխտարլին հայտնի է որպես ադրբեջանական իշխանությունների վարած քաղաքականության քննադատ: 2015 թվականից ի վեր ստիպված է եղել բնակություն հաստատել Թբիլիսիում:

Օրերս նա անհետացել էր, ինչի կապակցությամբ ընտանիքը դիմել էր ոստիկանություն: Ավելի ուշ նա հայտնվել էր Բաքվում և ձերբակալվել: Նա հայտարարել է, որ Թբիլիսիի կենտրոնից իրեն առևանգել են քաղաքացիական հագուստով անհայտ անձինք, ովքեր խոսում էին վրացերենով:

Նրան նստեցրել են մեքենա և դուրս բերել Վրաստանից, ապա դաժան ծեծի են ենթարկել, կապել աչքերը և տեղափոխել մեկ այլ մեքենա, իսկ արդեն ադրբեջանական սահմանին կրկին տեղափոխել են երրորդ մեքենա, որում արդեն խոսել են ադրբեջաներենով: Մեքենայում նրա գրպանում խոշոր չափի գումար են դրել, և այժմ Ադրբեջանի իշխանությունները նրան մեղադրում են գումարի ապօրինի տեղափոխման և սահմանը հատելու մեջ:

Լրագրողի փաստաբանն արդեն հանդիպել է նրան և փաստել, որ քթի և ճակատի հատվածում երևում են ծեծի հետքերը, աչքերի տակ կապտուկներ են: Աֆղանն ասել է, որ կրծքավանդակում ուժեղ ցավեր ունի, կարծում է, որ կողի կոտրվածք է ստացել:

Մուխտարլիի առևանգման գործով մտահոգություն են հայտնել Վրաստանի պատկան մարﬕնները, այդ թվում և երկրի նախագահ Գեորգի Մարգվելաշվիլին:

Աղբյուր` Փաստինֆո