Փաստ ինֆո

Վաղարշ Վաղարշյանի անվան թիվ 80 հիմնական դպրոցի լավ սովորող աշակերտի մոր խնդրանքին ընդառաջել են, որ պետական ավարտական քննությունները չհանձնելու պայմաններում ստանա պետական նմուշի ավարտական վկայական:

Ավելի վաղ «Փաստինֆո»-ն տեղեկացրել էր, որ դպրոցի տնօրենի կողմից թույլ տրված ապօրինությունների փաստով հարուցվել է քրեական գործ:

Մեր հարցմանն ի պատասխան ՀՀ Գլխավոր դատախազությունից հայտնել էին, որ քրեական գործ է հարուցվել ՀՀ քրեական օրենսգրքի 314-րդ հոդվածի հատկանիշներով (պաշտոնական կեղծիք):

Գործի վերաբերյալ «Փաստինֆո»-ի հարցման ի պատասխան Քննչական կոմիտեից տեղեկացրեցին, որ գործն ընդունվել է ՀՀ ՔԿ Մալաթիա-Սեբաստիա վարչական շրջանի քննչական բաժնի վարույթ:

Տեղեկացանք նաև, որ քրեական գործի շրջանակներում առգրավվել է 2015-2016թթ. ուսումնական տարվա պետական ավարտական քննությունների՝ նշված աշակերտի անվամբ լրացված մի շարք առարականների քննական թեստերը, որոնց զննությամբ պարզվել է, որ թեստերում առկա են քննությամբ չպարզված անձի կամ անձանց կողմից կատարված ինչպես թվական, այնպես էլ ձեռագիր գրառումներ: Նշանակվել են փորձաքննություններ։

Գործով հացաքննվելեն մի շարք վկաներ, պետական ավարտական քննության կազմակերպիչներ:

Մեր տեղեկություններով, դպրոցի տնօրենի գիտությամբ և թույլտվությամբ ուուցիչները ընդառաջել են աշակերտի ծնողի խնդրանքին, որպեսզի նրա որդին պետական ավարտական քննությունները չհանձնելու պայմաններում, ստանա պետական նմուշի ավարտական վկայական:

Աելի վաղ տեղեկացրել էինք, որ դպրոցի 9-րդ դասարանի աշակերտը Հայաստանի Հանրապետությունից բացակայելու և պետական ավարտական քննություններին ներկա չգտնվելու պարագայում ստացել է ավարտական վկայական:

Թե ում կողմից է լրացվել քննական թեստերը հարցի պատասխանը կստացվի այն ժամանակ, երբ հայտնի կլինի ձեռագիր գրառումները կատարած անձի կամ անձանց ինքնությունները պարզելու համար նշանակված դատաձեռագրաբանական փորձաքննության եզրակացությունը:

Քրեական գործով նախաքննությունը շարունակվում է:

Աղբյուր` Փաստինֆո