Փաստ ինֆո

Այսօր Ստոկհոլմում կկայանա Եվրոպա լիգայի եզրափակիչը, որում տիտղոսի համար կմրցեն անգլիական «Մանչեսթեր Յունայթեդը» և Ամստերդամի «Այաքսը»: Հանդիպումը կմեկնարկի Երևանի ժամանակով 22:45-ին:

Ինչպես ներկայացնում է Armsport.am-ը, անգլիական ակումբի համար այս տիտղոսը կարող է առաջինը լինել. մինչ այդ մանչեսթերցիները ոչ միայն չեն հաղթել եզրափակչում, այլև չեն հասել այս փուլ: Մինչև այս «կարմիր սատանաներին» առավելագույնը հաջողվել էր հասնել մրցաշարի քառորդ եզրափակիչ: Ինչ վերաբերում է «Այաքսին», ապա հոլանդական ակումբը չեմպիոն է դարձել 1992 թվականին:

«Մանչեսթեր Յունայթեդը» համարվում էր մրցաշարում հաղթելու գլխավոր ֆավորիտներից, սակայն Ժոզե Մոուրինյուի թիմի անցած ուղին այնքան էլ հեշտ չէր: Վերջին 7 հանդիպումներում մանկունյանցիները նույնիսկ եթե հաղթել են, ապա մեկ գնդակի առավելությամբ: «Մանչեսթեր Յունայթեդի» համար մեծագույն մոտիվացիա է այն, որ եզրափակչի հաղթողը կստանա Չեմպիոնների լիգայում հանդես գալու հնարավորություն: Անգլիական ակումբը 6-րդ տեղն է զբաղեցրել Պրեմիեր լիգայում, սակայն արդեն նվաճել է երկու տիտղոս` Անգլիական լիգայի գավաթը և Անգլիայի Սուպերգավաթը: Ինչ վերաբերում է հոլանդական ակումբին, ապա նրանք նույնիսկ պարտվելու դեպքում Չեմպիոնների լիգայի ուղեգրի համար կպայքարեն որակավորման փուլում:

Աղբյուր` Փաստինֆո