Փաստ ինֆո

Հունգարիայի կառավարությունում համոզված են, որ Եվրամիությունը պատրաստվում է պետության դեմ պատժամիջոցներ մտցնել Ջորջ Սորոսի համալսարանը փակելու փորձի և ԵՄ ստանդարտներով միգրացիոն քաղաքականությունը փոխելու ցանկություն չունենալու պատճառով: Այս մասին հաղորդում է RT-ն՝ հղելով երկրի վարչապետ Վիկտոր Օրբանի կաբինետի մամուլի ծառայությանը:

Չորեքշաբթի Եվրախորհրդարանը բանաձև է ընդունել Հունգարիայի վերաբերյալ, որում խոսվում է երկրում «օրենքի և ժողովրդավարության իշխանության վատթարացան համար» Բրյուսելի դժգոհության մասին: Այժմ Եվրոպական հանձնաժողովը Բուդապեշտի դեմ պատժամիջոցներ կմտցնի, ասվում է փաստաթղթում:

Չնայած այն բանին, որ տեքստում ուղղակիորեն չի հիշատակվում Ջորջ Սորոսի համալսարանի փակման շուրջ սկանդալը, սակայն Հունգարիայի իշխանությունները կարծում են, որ հենց նա է փորձում ճնշում գործադրել երկրի վրա, նշում է RT-ն:

Հեռուստաալիքի տեղեկության համաձայն, բանաձևի քվեարկության ընթացքում եվրոպական խորհրդարանականները հենվում էին ամերիկացի ֆինանսիստ- միլիարդատիրոջ և ներդրողի զեկույցի վրա: Բացի այդ, Վիկտոր Օրբանի մամուլի ծառայությունում հայտարարել են «Սորոսի ցանցի մեջ մտնող կազմակերպությունների ներկայացուցիչների ճնշումների» մասին:

Ավելի վաղ Հունգարիայի նախագահ Յանոշ Ադերը ստորագրել է կրթության մասին նոր օրենքը, որը թույլ է տալիս փակել Կենտրոնական եվրոպական համալսարանը (CEU), որը ֆինանսավորվում է Սորոսի հիմնադրամի կողմից: Որոշումը բուռն արձագանք է առաջացրել որոշ եվրոպական երկրներում: Այսպես, ԱՄՆ-ը կոչ է արել Բուդապեշտին կանգնեցնել օրենքի գործողությունը, իսկ Եվրահանձնաժողովը հայտարարել է, որ կանցկացնի օրենքի վերլուծություն և որոշում կընդունի հնարավոր արձագանքի մասին: Ապրիլի վերջին ԵՄ գագաթաժողովում երկրի վարչապետ Վիկտոր Օրբանը հայտարարել է, որ Սորոսի համալսարանը չեն փակվի:

Հունգարիայի ԱԳՆ-ում համոզված են, որ Եվրախորհրդարանի բանաձևը նաև ուղղված է նրան, որպեսզի Բուդապեշտն ընդունի ԵՄ միգրացիոն քաղաքականությունը, գրում է RT-ն: Այդուհանդերձ, երկրի արտաքին քաղաքական գերատեսչությունում նշել են, որ չնայած միջազգային ճնշմանը Հունգարիայի կառավարությունը շարունակում է հետևել միգրանտների առնչությամբ իր կուրսին, որն ուղղված է պետության անվտանգության ապահովմանը:

2016թ. Հունգարիան հրաժարվել է ամեն անդամ երկրի համար ԵՄ-ի կողմից մշակված քվոտայով երկիր ընդունել փախստականներին: Բացի այդ, Հունգարիայի կառավարությունը պատ է կառուցել՝ հարևան երկրներից ժամանող միգրանտներից մեկուսանալու համար:

Աղբյուր` Փաստինֆո