Փաստ ինֆո

Թուրքիան չի մասնակցի ԻՊ ահաբեկիչներից սիրիական Ռաքքայի ազատագրման գործողությանը, եթե ԱՄՆ-ն ծրագրում է ներգրավել դրան նաեւ սիրիական քրդերի ինքնապաշտպանության ուժերը (YPG), ըստ ՌԻԱ Նովոստիի, հայտարարել է Թուրքիայի նախագահ Թաիբ Էրդողանը:

«ԱՄՆ կատարած այցի ընթացքում մենք քննարկել ենք Ռաքքայի գործողությունը և տեսել, որ ԱՄՆ-ը զգայական է ընկալում Ռաքքայի գործողությունը: Մենք ասել ենք՝ եթե այնտեղ լինի YPG-ն, մենք չենք մասնակցի դրան, դուք ինքներդ կանցկացնեք գործողությունը: Եթե Ռաքքայի հարցով ձեր որոշումն այդպիսին է, ապա, դե, հաջողություններ»,- ասել է Էրդողանը՝ ելույթ ունենալով Ստամբուլում արդյունաբերողների և ձեռնարկատերերի առաջ:

ԱՄՆ նախագահ Դոնալդ Թրամփի բանակցությունները Էրդողանի հետ անց են կացվել Վաշինգտոնում, երեքշաբթի օրը՝ երկու երկրների միջև հակասությունների սրման ֆոնի վրա՝ կապված «Իսլամալան պետություն» ահաբեկչական խմբավորման դեմ պայքար մղող սիրիական քրդերին զինելու մասին ԱՄՆ նախագահի վերջերս կայացրած որոշման հետ:

Թուրքիայի պաշտոնական դիրքորոշումն այնպիսին է, որ Սիրիայում քրդական կազմավորումները կապված են Թուրքիայում արգելված Քրդական բանվորական կուսակցության հետ, որը ինչպես Անկարան, այնպես էլ Վաշինգտոնը ահաբեկչական են համարում:

«Սիրիական ժողովրդավարական ուժերը» (SDF), որի հիմքն է կազմում քրդական աշխարհազորը, մարտեր են մղում «Իսլամական պետության» գրոհայիններից Ռաքքա գավառի ազատագրության համար: Նրանց աջակցում են ամերիկյան օդուժն ու հատուկ նշանակության ջոկատայինները: SDF-ում հայտարարել են, որ Սիրիայի հյուսիսում Ռաքքա քաղաքի վրա գրոհի գործողությունը կսկսվի ամռան սկզբին:

Աղբյուր` Փաստինֆո