Փաստ ինֆո

Մի խումբ անձանց կողմից նախնական համաձայնությամբ գողության փորձի մեջ մեղադրվող Լուսինե Հովսեփյանը Շենգավիթ վարչական շրջանի ընդհանուր իրավասության դատարանի՝ նախագահությամբ դատավոր Դավիթ Բալայանի, այսօր անպարտ է ճանաչվել և արդարացվել է:

Այդ մասին «Փաստինֆո»-ի թղթակիցը տեղեկացավ Լուսինե Հովսեփյանի պաշտպան Դավիթ Մնացականյանից:

Արդարացվեց զենք-զինամթերք ապօրինի ձեռք բերելու, պահելու և խուլիգանության մեղադրանքում

Պաշտպանից տեղեկացանք նաև, որ մեղադրող դատախազը հիմնավոր համարելով առաջադրված մեղադրանքը միջնորդել էր Հովսեփյանին դատապարտել 500 000 ՀՀ դրամի չափով տուգանքի:

Ըստ մեղադրանքի՝ Լուսինե Հովսեփյանը 2015թ. հոկտեմբերի 10-ին, ժամը 17:30-ի սահմաններում իրեն ծանոթ Իրինա Քոչարյանի և Տիգրան Եղիազարյանի հետ գտնվելով Երևան քաղաքի Արշակունյաց 34/3 հասցեում գործող «Երևան Մոլ» առևտրի կենտրոնում, ուրիշի գույքը գաղտնի հափշտակելու հարցի շուրջ նախնական համաձայնության գալով վերջիններիս հետ, մտել են կենտրոնում գործող «Զառա» խանութ-սրահ, որտեղ փորձելու պատրվակով վերցրել են հագուստներ, որոնց տակ Ի.Քոչարյանը թաքցրել է զգալի չափերի` 17.000 ՀՀ դրամ արժողության տղամարդու մեկ զույգ սպորտային կոշիկ, տարել հանդերձարան, որտեղ Տ.Եղիազարյանը Ի.Քոչարյանի պայուսակի մեջ թաքցրել է նշված կոշիկը, որպեսզի վերջինս այն աննկատ դուրս բերի խանութ-սրահից, սակայն իր կամքից անկախ հանգամանքներով չի կարողացել հանցագործությունն ավարտին հասցնել` խանութ-սրահից դուրս գալիս Ի.Քոչարյանը բռնվել է անվտանգության աշխատակցի կողմից:

Քրեական գործով անցնում են ևս 3 անձ, նրանց մասով մանրսամասներ կներակայցնենք ավելի ուշ:

Աղբյուր` Փաստինֆո