Փաստ ինֆո

«ժամանակ»-ը զրուցել է Միջազգային և անվտանգության հարցերի հայկական ինստիտուտի տնօրեն Ստյոպա Սաֆարյանի հետ։ ներկայացնում ենք հարցազրույցից մի հատված։

–Պարոն Սաֆարյան, ՀՀԿ-ն և ՀՅԴ-ն կոալիցիոն հնգամյա հուշագիր ստորագրեցին: Ըստ Ձեզ՝ ինչո՞ւ կոալիցիոն հուշագրում վարչապետի թեկնածության հարցը դուրս մնաց, ըստ Ձեզ' ի՞նչ նպատակ է հետապնդում:

–Կարծում Եմ՝ հետաքրքիր է այն, որ վարչապետի անձի շուրջ պայմանավորվածությունների մասին չեն խոսում: Կարծում եմ՝ սա առավել քան ցույց է տալիս, որ ներկայիս վարչապետ Կարեն Կարապետյանը երկարաժամկետ կտրվածքով չի դիտարկվում ոչ ՀՅԴ-ի և ոչ էլ ՀՀԿ-ի կողմից: Եվ չեմ էլ կարծում, թե այս խնդրի շրջանցումը պայմանավորված է նրանով, որ դաշնակցականներից մեկը առարկել է, կեսն էլ համաձայնվել է դրա մասին չխոսել: Իհարկե, ակնհայտ է, որ ձևավորվող կառավարությունը ձևավորե-լու է Կարեն Կարապետյանը, բայց ակնհայտ չէ, որ Նա երկարաժամկետ հեռանկարում նույնպես դիտարկվում է որպես գործադիր իշխանության գլուխ: Նախկինում էլ ասել եմ և հիմա էլ կրկնում եմ, 2018-ից հետո, իհարկե, հնարավոր է, որ Կարեն Կարապետյանը ևս մեկ ժամկետ մնա վարչապետի պաշտոնում, բայց ես կարծում եմ, որ նա այդ պաշտոնում չի մնա 4-5 տարի շարունակ: Ենթադրենք, 2019-ին մենք կարող Են ունենալ նոր վարչապետ:

–Կարծում եք՝ ՀՅԴ-ն Սերժ Սարգսյանի ծրագրերի մե՞ջ է, և առաջիկա տարիներին նրա աջակցությունը պե՞տք է գալու Սերժ Սարգսյանին:

-ՀՀԿ-ՀՅԴ կոալիցիան կարճաժամկետ չի լինի: Գուցե 2022-ի ընտրությունների նախաշեմին դարձյալ կոալիցիայից դուրս գան, ինչպես ավանդաբար արվում է: Համենայնդեպս, այս կոալիցիան ավելի երկարաժամկետ կլինի, քան ՀՀ վարչապետը»,-գրում է թերթը:

Հոդվածն ամբողջությամբ կարող եք կարդալ «ժամանակ»-ի՝ 16.05.17թ. համարում:

Աղբյուր` Փաստինֆո