Փաստ ինֆո

Մարտի 14-ին Քանաքեռ-Զեյթունում  որդու կողմից դանակահարված ծնողների դեպքով «Փաստինֆո»-ին նոր տեղեկություններ է հայտնի դարձել:

21-ամյա Վլադիմիր Կանջարյանը, ով տանը տեղի ունեցած վիճաբանության ժամանակ դանակահարել է մորը, ապա նաև միջամտած հորը，բավական խելացի է երիտասարդ է։ Վերջինս զինվորական ծառայությունից հետո առանձնապես ոչնչով չի բանակից, իսկ մինչ այդ սովորել է Ամերիկյան համալսարանում և ներկայումս տարեկետման մեջ է գտնվում:

Շուրջ 12 տարի երիտասարդը հանդիսացել է կարատեի և շախմատի մանկապատանեկան հավաքականների մասնակից անդամ, արժանացել պարգեւների։ Թե որն է եղել նման պոռթկման պատճառը հայտնի չէ:

Ըստ մեր տեղեկությունների՝ վերջին շրջանում նա խոշոր չափերի հասնող գումարներ է ծնողներից ուզել:

Ավելի վաղ տեղեկացրել էինք, որ դեպքի օրը երիտասարդը վիճաբանել է մոր հետ այդ ձայները լսելով հարակից սենյակում գտնվող հայրը օգնության է եկել և տեսել է կնոջը դանակահարված:

Հորը չի հաջողվել որդուն կարգի հրավիրել, վերջինս դանակի հարվածներ է հասցրել նաև նրան:

Այդ ամենից հետո էլ շենքի 6-րդ հարկից ցած է նետվել ընկնելով ավտոմեքենայի վրա:

Արդյունքում  ստացել է ոտքի կոտրվածք:

Դանակի հարվածների հետևանքով մայրը ծանր մարմնական վնասվածք է ստացել և վիրահատության է ենթարկվել, իսկ հոր ստացած վնասվածքները կյանքի համար վտանգավոր չեն եղել:

Մեր տեղեկություններով, հայրը ով որդու դանակահարությունից հետո տեսել է նրան ավտոմեքենայի վրա ընկած շտապել է նրա մոտ, իսկ երբ հարցրել է թե որդին ի՞նչ արեց, վերջինս զարմացած ասել է, ի՞նչ է պատահել:

Աղբյուր` Փաստինֆո