Փաստ ինֆո

«Իրավունքի Եվրոպա միավորում» ՀԿ-ն «Քաղաքացի դիտորդ» նախաձեռնության շրջանակներում, դիտարկում է Երևանի ավագանու ընտրությունները։ Այսօր ժամը 13:00-ից 14:00-ն ընկած ժամանակահատվածում Երևան քաղաքի տարբեր ընտրատեղամասերում նախաձեռնության դիտորդները գրանցել են 5 ընտրախախտում: Այդ մասին նախաձեռնությունը տեղեկացնում է ֆեյսբուքյան էջի և կայքի միջոցով:

Արձանագրված խախտումները հիմնականում կապված են եղել դիտորդի իրավունքների սահմանափակման, ուղղորդման, քվեարկության գաղտնիության խախտման հետ: Գրանցվել է նաև քվեարկության վերահսկողության դեպք:

Ստորև ներկայացնում ենք խախտումները ժամը 14:00-ի դրությամբ.

4/1 13:52:00 Ուղղորդում

Անձը, ով չունի ո՛չ դիտորդական կազմակերպության, ոչ էլ վստահված անձի որևէ տարբերանշան, պարբերաբար մարդկանց է բերում տեղամաս ընտրելու: Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը։ Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, սակայն որևէ գործողություն չի ձեռնարկվել։

4/1 13:50:00 Քվեարկության վերահսկողություն

Ժամը 8:10-ից «Քարավան 88» ՀԿ-ի բեյջ ունեցող Հակոբյան Վարդանը իրեն շատ ակտիվ է պահում, խանգարում է քվեարկության բնականոն ընթացքին՝ մոտենում է ընտրողներին, բարևում բոլորին, հարցնում նրանց կտրոնների համարները, ուղեկցում քվեաթերթիկների համար պատասխանատու հանձնաժողովի անդամներին մոտ: «Քարավան 88» ՀԿ-ի կողմից բեյջով Հակոբյան Վարդանը պարբերաբար մոտենում է 89QD009 պետհամարանիշով մեքենային, այնուհետև հետ գալիս տեղամաս:

1/4 13:00:00 Քվեարկության գաղտնիության խախտում

1/4 տեղամասի դիտորդը ականատես է եղել հետևյալ դեպքին. ժամը 13։00-ի սահմաններում ընտրողը դուրս է եկել քվեախցիկից, որից հետո հանձնաժողովի անդամները ասել են նրան, որ քվեաթերթիկը պետք է առանց ծալելու դներ ծրարի մեջ և խնդրել են հանել քվեաթերթիկը և առանց ծալելու նորից դնել ծրարի մեջ, որից հետո ընտրողն այնպես է հանել քվեաթերթիկը ծրարից, որ բոլորը տեսել են, թե նա ում է քվեարկել, տեղի է ունեցել քվեարկության գաղտնիության խախտում։ Դիտորդը դիմել է հանձնաժողովի նախագահին, որպեսզի դեպքը գրանցվի, նախագահը հրաժարվել է և պնդել, որ դա խախտում չէ։

5/1 ՀՀԿ վստահված անձն ուղղորդել է ընտրողին

5/1 տեղամասում «Իրավունքի Եվրոպա միավորում» ՀԿ-ի դիտորդն արձանագրել է, որ ժամը 11:10-ի սահմաններում Հայաստանի Հանրապետական կուսակցության վստահված անձն ընտրողին քվեարկության կարգը բացատրելու պատրվակով, մինչ քվեարկության խցիկ մտնելը ուղղորդել է ընտրողին:
Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, հանձնաժողովի նախագահը նկատողություն է արել ՀՀԿ վստահված անձին։ Դիտորդը պահանջել է գրանցել խախտումը տեղամասային ընտրական հանձնաժողովի գրանցամատյանում, սակայն քարտուղարը հրաժարվել է գրանցել խախտումը՝ պատճառաբանելով, որ դա ուղղորդում չէ: 

6/3 Ճնշումներ և վիրավորանք՝ դիտորդի նկատմամբ
Թիվ 6/3 տեղամասում «Իրավունքի Եվրոպա միավորում» ՀԿ-ի դիտորդի նկատմամբ հանձնաժողովի անդամները գործադրել են հոգեբանական ճնշումներ և հնչեցրել վիրավորական արտահայտություններ («էս Չակուռն ով ա, էսիմ որ գեղից եկել ա, ինչ ա հասկանում»): Հնչեցված վիրավորանքների վերաբերյալ առկա է ձայնագրություն:

Հանձնաժողովի նախագահը տեղեկացված է խախտման մասին և նրան առաջարկվել է ձեռնարկել համապատասխան գործողություններ, այդ թվում` վերացնել խախտումը, սակայն որևէ գործողություն չի ձեռնարկվել։ Խախտումը/խախտման վերաբերյալ գնահատականը չի գրանցվել տեղամասային ընտրական հանձնաժողովի գրանցամատյանում (խախտումը/խախտման վերաբերյալ գնահատականը տեղամասային ընտրական հանձնաժողովի):

Արդյունքում` խախտվել են ՀՀ օրենսդրությամբ սահմանված դիտորդի իրավունքները։

Լուսանկարը՝ Ֆոտոլուրի

Աղբյուր` Փաստինֆո