Փաստ ինֆո

«Հայկական ժամանակ»-ը գրում է, որ ՀՀԿ փոխնախագահ Արմեն Աշոտյանն armtimes.com-ին տված հար­ցազրույցում անդրադարձել է ՀՀԿ-ՀՅԴ քաղաքական համագործակցաթյան նոր հուշագրին, Երևանի ավագանու ընտրություններին և նախկին վարչարպետ Հովիկ Աբրա­համյանի ու ՀՀԿ-ի փոխհարաբե­րություններին: Ներկայացնում ենք հարցազրույցից մի հատված:

«- Պարոն Աշոտյան, նախկին վարչապետ Հո­վիկ Աբրահամյանը նախկինոմ չէր բացառում որևէ պաշտոնում լինելու հեռանկարը, սա­կայն օրերս նշեց, որ նման մտադրություն չու­նի: Այս ընթացբում իր հետ համագործակցելու հարց քննարկվե՞լ Է:

- Աշխատանքային հարաբերությունները դադարել են այն պահին, երբ պարոն Աբրա­համյանը դիմում գրեց կուսակցությունից հե­ռանալու մասին: Անձնական հարաբերություն­ները որքանով խորն էին և խիտ, այս պահին գոնե սառեցված են: Վստահ եմ, որ եթե որևէ տեղ մեր ճանապարհները խաչվեն, Երևա­նում լինի, թե այլ վայրում, շատ անմիջական և անձնական կոնտակտ է լինելու երկու կողմից: Բայց աշխատանքային հարաբերությունները, քաղաքականություն կոչվածը դադարեցման պահից գոյություն չունի:

-Հովիկ Աբրահամյանը Ծիծեոնակաբերդում տված հարցազրույցում ասաց, որ ինքը Հանրապետականի հետ է:

-Ես չեմ նայել պարոն Աբրահամյանի այդ հարցազրույցը, բայց մեր կազմակերպչական հանձնաժողովի նախագահ Թադևոսյանը, կարծեմ անդրադարձել է այդ հարցին:

-Հիմա Հովիկ Աբրահամյանը կուսակցության անդա՞մ է , թե՞ ոչ:

-Անդամությունը դադարեցված է, դրա մա­սին մամուլին հայտնել ենք վաղուց:

-ՀՀԿ-ն ինչպե՞ս է պայքարում ընտրակաշառքի դեմ:

-ՀՀԿ-ն չի դնում նման խնդիր իր առջև, որովհետև մենք քաղաքական գործընթաց­ներում գնում ենք երկու հիմնական ուղղու­թյուններով՝ հաշվետվություն և նոր ծրագիր: Մենք վստահ ենք, որ ժողովուրդը տեսել է մեր թեկնածուի, մեր թիմի աշխատանքը, անգամ մեր ընդդիմախոսները, անգամ «Ելք»-ը իր նա­խընտրական արշավը մեկնարկեց գեղեցիկ, մաքուր Երևանի տեսարանին կատարված Երևանի օրհներգով:

Չգիտես ինչու, այդ ժա­մանակ չէին հիշում կոտրած վերելակների, աղբակույտերի մասին: Ի դեպ, վերելակների և մնացածի մասին պարզվեց, որ «Ելք»-ի նա­խընտրական ծրագիրը չի պարունակում բազմաթիվ դրույթներ, որոնք հետագայում հրապարակային ելույթներով նշում են: Դա վկայում է ծրագրի թուլության և հապճեպու­թյան մասին:

Մամուլը նաև գրեց պլագիատի որոշակի կտորների մասին Հրանտ Բագրատյանի և ՀԱԿ-ի ծրագրից: Գուցե Նիկոլ Փաշինյանը դա չհամարի պլագիատ, այլ համարի, որ ՀԱԿ-ի ծրագրի մի մասն էլ ինքն է իրավասու օգտագործել՝ որպես ՀԱԿ-ի նախկին անդամ: Երկրորդ մասը մեր ասելիքի այն ծրագիրն է, որի հավաքական անունը «Հանուն Երևանի է», այն ենթադրում է Երևանի զարգացման հայեցակարգ գալիք 5 տարվա համար»,-գրում է թերթը:

Հոդվածն ամբողջությամբ կարող եք կարդալ «Հայկական ժամանակ»-ի՝ 12.05.17թ. համարում:

Աղբյուր` Փաստինֆո