Փաստ ինֆո

Հոգեկան խնդիրներով անձանց բուժման ոչ պատշաճ իրականացումը դառնում է ծանր հանցագործությունների պատճառ: Այդ մասին են փաստում մահվան ելքով բազմաթիվ քրեական գործերը կամ անձի առողջությանը ծանր վնաս հասցնելու դեպքերը: 

Սպանության հանգամանքն առկա է, կա նաև անձի անմեղսունակության փաստը. ստացվում է՝ անձը, գտնվելով անմեսունակության վիճակում, կատարում է ծանր հանցագործություն:

Բազմաթիվ քրեական գործերով նշանակվում են դատահոգեբուժական փորձաքննություններ և արդյունքում պարզում է, որ անձն իրավախախտում կատարելիս, ինչպես նաև փորձաքննության ժամանակ չի կարող գիտակցել իր գործողությունների վտանգավորությունը:

Այս խնդիրը կարծես թե Առողջապահության նախարարության վերահսկողությունից դուրս է մնացել: Իսկ մինչ պատկան կառույցը հետևողական կլինի և իր ուշադրության կենտրոնում կպահի հոգեկան առողջության հետ կապած խնդիրեր ունեցող անձանց, այդ ընթացքում պարբերաբար հանրությանը հայտնի են դառնում նոր դեպքեր, երբ ոչ հիվանդանոցային պայմաններում պահվող նման խնդիներով անձինք ծանր հանցագործություններ են կատարում` իրենց իսկ հարազատների կյանքը դնելով վտանգի տակ:

Հերթական դեպքը գրանցվել է Սյունիքի մարզում: Տարիներ շարունակ նյարդահոգեբուժական դիսպանսերում հաշվառված 26-ամյա երիտասարդը վիճել է հոր հետ, և արդյունքում նրանք երկուսն էլ մարմնական վնասվածքներ են ստացել:

«Փաստինֆո»-ի տեղեկություններով` երիտասարդը հոր հետ վիճել է ամուսնության հարցի շուրջ և այդ ժամանակ փորձել է հորը խեղդել, ապա նաև խոհանոցային դանակով հարվածել, սակայն հայրը նրա ձեռքից խլել է դանակը: Որդին ևս վնասվածք է ստացել կրծքավանդակի հատվածում:

26-ամյա երիտասարդը այժմ գտնվում է հիանդանոցում:

Հիշեցնենք, որ երեկ անդարադարձել էինք նաեւ մեկ այլ դեպքի՝ Ծովասար գյուղում. ամուսինն ավտոմեքենայի բանալիներով այնքան էր հարվածել 43-ամյա կնոջ գլխին, որ վերջինս, ստացած վնասվածքների հետևանքով, տեղում մահացել էր:

Հայտնի էր դարձել, որ 47-ամյա տղամարդը ևս հոգեկան առողջության հետ կապված խնդիրներ ունի:

Աղբյուր` Փաստինֆո