Փաստ ինֆո

Ավելի քան երեսուն տարի առաջ անհետացած իռլանդական Աքիլլ կղզու ավազե լողափը անսպասելի նորից հայտնվել է:

1984թ. փոթորիկները ամբողջությամբ Իռլանդիայի արևմտյան ծովափից «լվացել էին» ավազը, այդտեղ միայն քարեր էին մնացել:

Սակայն ընդամենը մի քանի օրվա ընթացքում ապրիլին Ատլանտյան օվկիանոսը վերադարձրել է հափշտակվածը՝ մակընթացությամբ ափ է արտանետվել հազարավոր տոննա ավազ: Արդյունքում հայտնվել է նոր ավազե լողափ՝ 300 մ երկարությամբ:

Տեղական զբոսաշրջային բյուրոյից Էմմեթ Քելլահանը պատմել է BBC-ին, որ տեղաբնիկները հիացած են տեղի ունեցածով:

«Երեկ մեր գյուղում տրանսպորտային կոլլապս էր, մարդիկ ժամանում էին Իռլանդիայից ու Բրիտանիայից՝ տեսնելու մեր նոր լողափը»,- պատմել է նա:

«Մարդիկ այստեղ պատմում էին այն մասին, թե ինչպես էին նախկինում ժամանակ անցկացնում լողափին և ինչպես էին իրենք սիրում այնտեղ լինել երեխաների հետ, և հիմա նրանք այստեղ են իրենց երեխաների հետ, դա անհավանական է», - ասել է Քելլահանը:

Աղբյուր` Փաստինֆո