Փաստ ինֆո

Երեկ Կենտրոնական ընտրական հանձնաժողովի նախագահ Տիգրան Մուկուչյանը 6-րդ գումարման Ազգային ժողովի պատգամավորներին հանձնեց իրենց մանդատները:

Այս արարողությունը բոյկետել էին «Ելք» դաշինքի ներկայացուցիչները և չէին ներկայացել, բացականեր կային նաև «Ծառուկյան» դաշինքից, մասնավորապես՝ չէր ներկայացել Գագիկ Ծառուկյանը, ՀՀԿ-ից ևս բացակայողների կային:

Ինչևէ, պատգամավորներն իրենց մանդատերը ստացան և առաջիկայում պատրաստվում են իրեց տեղերը զբաղեցնել Ազգային ժողովում, իսկ ի՞նչ է լինելու օրեր շարունակ բավականին մեծ աղմուկ բարձրացված պատգամավորների ինքնաբացարկների հարցը, ի՞նչ տեղի ունեցավ, ո՞վ էր ստում, պատգամավորները ինքնաբացարկներ ներկայացրե՞լ էին, թե՝ ոչ, եթե՝ ոչ, այդ դեպքում նրանց փոխարեն ո՞վ է ներկայացրել:

Հարցեր, որոնց պատասխաներ կտրվեն միայն այն դեպքում, երբ քննության առարկա կդառնա այս ամենն իր ողջ ներկապնակով, սակայն մինչ այս պահը ՀՀ որևէ իրավական կառույց խնդրի վերաբերյալ դիրքորոշում չի հայտնել:

Հիշեցնենք, որ խոսքը գնում է 23 ինքնբացարկի մասին, ստեղծված իրավիճակում ընդամենը մեկ օրինակով նշենք, որ «Ծառուկյան» դաշինքից ռեյտինգային ընտրակարգով առաջադրված ԱԺ պատգամավորի թեկնածու Նապոլեոն Ազիզյանը ինքնաբացարկ է հայտնել՝ դուրս գալով Ծառուկյան դաշինքի ցուցակից:

Դիմումը հայտնվել էր նաև լրատվամիջոցներում, իսկ Ազիզյանի ստորագրությունը փետրվարի 14-ին վավերացրել է ՀՀ նախկին վարչապետ Հովիկ Աբրահամյանի դուստրը՝ «Կենտրոն» նոտարական տարածքի նոտար Աննա Աբրահամյանը, վերջինս հայտարարել է, որ ինքը միայն ստորագրությունն է վավերացրել:

Տեղի ունեցածն իրավական ի՞նչ գնահատականի պետք է արժանանա, այս և այլ հարցերի շուրջ Փաստինֆո-ն զրուցել է փաստաբան Նորայր Նորիկյանի հետ:

Փաստաբանը կարծիք հայտնեց, որ Գլխավոր դատախազությունը ՀՀ քննչական կոմիտեն պարտավոր են ՀՀ քրեական դատավարության օրենսգրքով սահմանված կարգով, անգամ եթե չունեն որևէ անձի կողմից գրավոր հաղորդում, հանցագործության մասին հղում կատարելով ԶԼՄ-ներում տեղ գտած տեղեկություններին՝ առնվազն հարուցել քրեական գործ, որի արդյունքներով հաշվետություն ներկայացնել ժողորդին, թե այդ քրեական գործի հարուցմամբ ի՞նչ հանգամանքեր են պարզվել կամ հերքվել:

Նորայր Նորիկյանը նշում է, որ պատգամավորները Կենտրոնական ընտրական հանձնաժողովին պետք է ներկայացնեին իրենց կամարտահայտությամբ դիմում նոտարական վավերացմամբ, ըստ որի՝ իրենք հրաժարում են պատգամավոր դառնալուց, իսկ այն, որ նոտարի կողմից հայտարարվել է, թե նա ընդամենը ստորագրության իսկությունը հաստատելու իրավասություն է իրականացրել, ապա Նոտարիատի մասին ՀՀ օրենքի 36-րդ հոդվածն իսկապես նոտարին տալիս է այդպիսի իրավասություն՝ ստորագրության իսկությունը հաստատելու մասին, սակայն այստեղ խնդիրը ոչ թե ստորագրության իսկությունը հաստատելու գործառույթին է վերաբերում, այլ պատգամավորի թեկնածուի՝ ՀՀ ընտրական օրենսգրքով սահմանված ընտրական ցուցակից դուրս գալու վերաբերյալ նոտարական վավերացմամբ դիմումի մասին է խոսքը:

Այս ամենը խոսում է այն մասին, որ կատարվածը օրենսդիր մարմնի, բարձագույն իշխանություն հանդիսացող մարմնի հեղինակության, ինչպես նաև պետական այլ մարմինների հեղինակությունը ստորացնող քայլ է, իսկ ամենավտանգավորն ու զայրացնողն այս իրավիճակում այն է, որ որևէ մեկը չի էլ պատրաստվում պատասխանատվության ինստիտուտը գործի դնել և հաշվետու լինել, թե ինչ է կատարվել, ում դրդմամբ են այդ անձինք այդ քայլին դիմել, իրականում ճի՞շտ են ասում նրանք, թե՝ ոչ, թե իրենք խաբեության զոհ են դարձել:

Փաստաբանը գտնում է, որ իրավասու մարմինները պարտավոր են գոնե դիրքորոշում հայտնելու այն դեպքում, երբ ութ պատգամավոր հայտարարում է, որ իրենք տեղյակ չեն կամ իրենց անունից իրենք չեն գրել ինքնաբացարկի դիմումները. նրանք կամ սուտ են խոսում, կամ ճշմարտությունն են բարձրաձայնում, այս ամենը պետք է գնահատականի արժանանա:

Ամփոփելով զրույցը Նորայր Նորիկյանն ընդգծեց, որ ներկա խորհրդարանն իր ամբողջությամբ՝ որակական առումով, մասնագիտական պատրաստվածության առումով էլ, զինջում է նախորդ խորհրդարանին, թեև նախորդ խորհրդարանն իր ամբողջ հմայքով չէր փայլում:

Լուսանկարը՝ armenpress-ի

Աղբյուր` Փաստինֆո