Փաստ ինֆո

Լոռու մարզում 74-ամյա կնոջը բռնաբարած փեսան անմեղսունակ է ճանաչվել:

«Փաստինֆո»-ի տեղեկություններով՝ դեպքը տեղի է ունեցել նախորդ տարի նոյեմբերի 28-ին, 74-ամյա կնոջ փեսան գնացել է իրենց տուն հարցեր պարզաբանելու և որպեսզի պատժի զոքանչին՝ բռնաբարել է նրան:

Պարզվում է, որ 33-ամյա տղամարդը կնոջից տեղեկացել է, որ իբր ինքը զոքանչին սպանելու մտադրություն ունի և այդ հարցի պարզաբանման նպատակով փեսան գնացել է զոքանչի տուն, զոքանչը հերքել է, թե ինքը նման բան է ասել, այդ ամենից հետո փեսան, ով գտնվել է ալկոհոլի ազդեցության տակ զոքանչին պատժելու նպատակով նրան բռնաբարել է:

Տարեց կնոջ նկատմամբ սեռական բռնի գործողություններն ավարտվել են այն պահին, երբ տան դուռը թակել են:

Մեր տեղեկություններով, ամբուլատոր դատահոգեբուժական փորձաքննության եզրակացության համաձայն, տղամարդը տառապում է «թեթև աստիճանի մտավոր հետամնացություն (արտահայտված դեբիլություն)» հոգեկան հիվանդությամբ:

Արարքը կատարելու պահին նա զրկված է եղել իր գործողությունների բնույթը գիտակցելու, այդ գործողությունների համար իրեն հաշիվ տալու և դրանք ղեկավարելու ունակությունից:

Աղբյուր` Փաստինֆո