Փաստ ինֆո

Ժամեր առաջ փաստաբան Տիգրան Աթանեսյանը ֆեյսբուքում տեղեկություն տարածեց, որ իր իսկ գրասենյակում հարձակման է ենթարկվել ինքը և փաստաբան Արմեն Սողոմոնյանը:

Փաստաբանի կողմից արված գրառումից հետո մեզ հետ զրույցում Ոստիկանությունից տեղեկացրեցին, որ դեպքի վայրում է օպերատիվ խումբը:
Աթանեսյանը իր գրառման մեջ ներկայացրել էր նաև, որ հարձակվողներն են Սիմոն Բաբայանը, Վրեժ խաչիկյանը, Գևորգ Մկրտչյանը և ոմն Արսեն:
Տիգրան Աթնեսյանի թիմակիցները լրատվամիջոցներում տեղի ունեցածը ներկայացրեցին, որպես Փաստաբանների պալատում արդեն վաղուց տիրող հիվանդագին անառողջ վիճակի հետևանք։

Դեպքի կապակցությամբ հայտարարությամբ հանդես եկավ նաև ՓՊ նախագահ Արա Զոհրաբյանը՝ ՓՊ դատապարտում է ցանկացած բռնություն, ինչպես նաև վիրավորանք և զրպարտություն պարունակող հայտարարությունները և հրապարակումները, առավել ևս, երբ կողմերը փաստաբաններ են։
Անշուշտ ճշմարտությունը պետք է բացահայտվի, իսկ մեղավորները պետք է ենթարկվեն պատասխանատվության։

ՓՊ նախագահը միևնույն ժամանակ հորդորում էր զերծ մնալ զգացմունքային և չստուգված հայտարարություններից և միակողմանի տեղեկատվության հիման վրա կարծիք չձևավորել։

Սակայն քիչ առաջ ֆեյսբուքյան Իրավաբաններ և լրագրողներ խմբում փաստաբան Գևորգ Գևորգյանը մի գրառում կատարեց, որին կից ներկայացրեց «Attorney At Law» խմբում Երվանդ Վարոսյանի կողմից արված գրառումը և դրա տակ արված փաստաբաններ Տիգրան Աթանեսյանի և Արթուր Գրիգորյանի մեկնաբանությունները:

Գևորգ Գևորգյանի գրառումը ներկայացնում ենք ամբողջությամբ.
Երեկ փաստաբան Երվանդ Վարոսյանի կողմից «Attorney At Law» խմբում կատարվել է հետևյալ գրառումը. «Մի բան ասեմ, ոնց ուզում եք ընդունեք, կարող եք քարկոծել, սովոր եմ...

Երբ մարդիկ փաստաբանության մասին են խոսում, դատողություններ անում, թե ինչպիսին է իրենց պատկերացմամբ փաստաբանը, ինչպիսին փաստաբանը պետք է լինի և այլն, ես այդ ամենին նորմալ եմ վերաբերվում, ինձ ճանաչողները գիտեն, որ ես բավականին տոլերանտ մարդ եմ, հիմա այդպես է ստացվել։ Բայց կա մի բայց, համոզված եմ, որ այդ մասին դատողություններ կարող է անել միայն փաստաբանը, փաստաբանը բառիս բուն իմաստով։

Երբ փաստաբանության մասին դատողություններով են հանդես գալիս Չեխովի «Չինովնիկի մահը» պատմվածքի ողորմածիկ հերոսները, կներեք, բայց դա ընդունելի չի, դա նմանվում է այլասերության մի տեսակի ու չեմ կարող իմ նողկանքը չարտահայտել նման անձանց «տրակտատների» նկատմամբ։»
Ըստ փաստաբան Գևորգ Գևորգյանի գրառման՝ Երվանդ Վարոսյանի կողմից արված այդ գրառման տակ փաստաբաններ Տիգրան Աթանեսյանը և Արթուր Գրիգորյանը կատարել են գրառումներ ստորև ներկայացված բովանդակությամբ:

«Պետք չէ միակողմանի ներկայացնել իրավիճակը»,- գրառել Գևորգ Գևորգյանը:

Փաստաբաններ Տիգրան Աթանեսյանի և Արթուր Գրիգորյանի զրույց՝ մեկնաբանությունները ստորև.

Աղբյուր` Փաստինֆո