Փաստ ինֆո

2016թ. հունիսի 4-ին Նուբարաշենի խճուղում 58-ամյա Եղիշե Խաչատրյանի սպանության գործով փակ վկայի բացահայտումից հետո Հատուկ քննչական ծառայությունում հարուցվել է քրեական գործ:

«Փաստինֆո»-ն Հատուկ քննչական ծառայության մամլո խոսնակ Մարինա Օհանջանյանից տեղեկացավ, որ քրեական գործը հարուցվել է ՀՀ քրեական օրենսգրքի 341-րդ հոդվածի 3-րդ մասի 4-րդ կետով: Այն է` մի խումբ անձանց կամ կազմակերպված խմբի  բռնություն կամ սպառնալիք գործադրելու կամ այլ ապօրինի գործողություններով՝ դատավարությանը մասնակցող անձին ցուցմունքտալուն հարկադրելը:

Կատարվում է նախաքննություն:

Լեզվաբանի ամուսնու սպանության գործով փակ վկայի նկատմամբ պաշտպանությունը դադարեցվեց. ՀՔԾ-ում քրեական գործ է հարուցվել

Ավելի վաղ տեղեկացրել էինք, որ Եղիշե Խաչատրյանի սպանության գործի շրջանակներում Հատուկ քննչական ծառայությունից գրություն էր ուղարկել դատարան, որով հայտնվել էր՝ ՀՔԾ-ում գրություն է ստացվել, որ գործով պաշտպանության միջոց կիրառված վկա Արմեն Վաչագանի Սարգսյան կեղծանվամբ հաղորդում է ներկայացրել ՀՔԾ՝ իր նկատմամբ իրավապահ մարմինների աշխատակիցների կողմից ենթադրաբար կատարված ոչ իրավաչափ գործողությունների վերաբերյալ:

ՀՔԾ-ից նաև տեղեկացրել են, որ վկան «shamshyan.com» կայքի միջոցով տեղեկություն է տարածել և բացահայտել իր ինքնության վերաբերյալ տվյալները:

Ուստիև, դատարանը որոշեց դադարեցնել վկայի նկատմամբ կիրառված պաշտպանության միջոցը և վկայի ցուցմունքները տրամադրել պաշտպանական կողմին:

Որպես որոշման հիմնավորում դատարանը նշել էր, որ վկան խոչընդոտել է իր նկատմամբ կիրառված պաշտպանության միջոցի կիրառմանը, կատարել է գործողություններ, որոնք բովանդակազրկում են կիրառված պաշտպանության միջոցը:

Լուսանկարը՝ Hetq.am-ի

Աղբյուր` Փաստինֆո