Փաստ ինֆո

Արման Ջանջուղազյանն առաջադրված մեղադրանքում  իրեն մեղավոր  է ճանաչել: Այդ մասին «Փաստինֆո»-ի հետ զրույցում ասաց հանրային պաշտպան Սյուզաննա Խչեյանը:

Հիշեցնենք， որ նրան մեղադրանք  է առաջադրվել Գյումրիում տեղակայված 102-րդ ռուսական ռազմաբազայի զինծառայող 21-ամյա Դմիտրի Յալպաևի սպանության համար։

Ավելի վաղ տեղեկացրել էինք, որ ապրիլի 22-ին՝ ժամը 17:15-ի սահմաններում Գյումրի քաղաքի Արգո խանութի մոտ հայտնաբերվել է Գյումրիում տեղակայված 102-րդ ռուսական ռազմաբազայի զինծառայող 21-ամյա Դմիտրի Յալպաևի դին, ով սպանվել է դանակի գործադրմամբ: Քննչական կոմիտեն այսօր պաշտոնապես տեղեկացրել է， որ զինվորին պատճառվել է 8 վնասվածք， որոնց հետեւանքով նա տեղում մահացել է։

Դեպքից կարճ ժամանակ անց նրա սպանության կասկածանքով ձերբակալվեց 21-ամյա Արման Ջանջուղազյանը:

Փաստինֆոն տեղեկացրել էր նաև, որ Դմիտրի Յալպաևի սպանության կասկածանքով ձերբակալվածը Ջանջուղազյանը նախկինում մի քանի անգամ ինքնավնասումներ է կատարել:

Դեռևս նախորդ տարվա նոյեմբեր ամսին, երբ գտնվել է ծառայության մեջ՝ զորամասում ածելիով ինքնավնասում է կատարել՝ ձախ նախաբազկի շրջանում, տեղի ունեցածի հետևանքով նրան հոսպիտալացվել են, այս անգամ էլ ինքնավնասում է կատարել հիվանդասենյակի զուգարանում:

Եվ որպեսզի նեղ մասնագիտական հետազոտման ենթարկվի Ջանջուղազյանին տեղափոխել են ՀՀ ՊՆ Երևանի կայազորային հոսպիտալի հոգեբուժական բաժանմունք:

Նա նկատմամբ նշանակվել է ռազմաբժշկական և դատահոգեբուժական ամբուլատոր համալիր փորձաքննություն:

Արդյունքում, նշված փորձաքննության եզրակացության համաձայն՝ Արման Ջանջուղայանի մոտ փորձաքննության կատարման ժամանակ հայտնաբերվել է հոգեկան խանգարումներ:

Ուստիև Ջանջուղազյանը զինվորական ծառայությանը ճանաչվել է ոչ պիտանի և այդ հիմքով զորացրվել:

Մեկ այլ քրեական գործով վերջինս ունի մեղադրյալի կարգավիճակ, խոսքը վերաբերում է զորամասում ոչ կանոնադրային հարաբերություններին՝ Ջանջուղազյանը աթոռով հարվածել է քնած զինծառայողի:

Սպանության գործով նրա ցուցմունքները հակասական են։  Մեր աղբյուրների փոխանցմամբ՝  նա ընդունում է， որ ինքն է սպանել զինվորին， բայց մեղավոր չի ճանաչում։

Աղբյուր` Փաստինֆո