Փաստ ինֆո

ՀՀ ՔԿ Շիրակի մարզային քննչական վարչությունում քրեական գործ է հարուցվել «Գոհարիկ» ՍՊԸ-ի աշղեկ Մովսես Խաչատրյանի մահվան դեպքի առթիվ, ում դին հայտնաբերվել էր Արթիկի գերեզմանատան մոտ կայանված ավտոմեքենայի մեջ:

Դեպքը տեղի է ունեցել ապրիլի 22-ին: Արթիկի գերեզմանատան մոտ կայանված ծառայողական` «ԳԱԶ 3102» մակնիշի 609 ԼԼ 11 համարանիշի ավտոմեքենայի մեջ հայտնաբերվել է Շիրակի մարզի Գետափ գյուղի բնակիչ, 1961 թ. ծնված Մովսես Խաչատրյանի դիակը: Ավտոմեքենան գտնվում է «Գոհարիկ» ՍՊԸ-ի հաշվեկշռում, որի ղեկավարը տուժողի եղբայրն է եւ հայտնի շինարար Սամվել Խաչատրյանը: Դին` ավտոմեքենայի մեջ հայտնաբերել են եղայրն ու որդին:

Իրավապահների` դեպքի վայր ժամանելու պահին դիակն արդեն գտնվել է մեքենայի մոտ, իսկ ավտոմեքենայի սրահում, վարորդի նստատեղին «Բեռետա» տեսակի ատրճանակ, իոտնատեղի մոտ 9 մմ տրամաչափի պարկուճ:

Հայտնաբերվել է նաև ծոցատետր` հետեւյալ գրառմամբ` «Ինձ կներեք, ես վատ բան չեմ արել, բոլորիդ սիրում եմ, պարզապես հոգնել եմ ապրելուց»:

Շիրակի մարզային քննչական վարչությունում հարուցվել է քրեական գործ` ՀՀ քրեական օրենսգրքի 110-րդ եւ 235-րդ հոդվածների հատկանիշներով:

Քննիչները փորձում են պարզել ինքնասպանության պատճառները:

Աղբյուր` Փաստինֆո